Aımaqtar • 20 Mamyr, 2020

Tarıh jáne quqyq ınstıtýtynyń bıylǵy jylǵy bitirýshilerimen kezdesý ótti

7 retkórsetildi

Tarıh jáne quqyq ınstıtýty dırektoratynyń uıymdastyrýymen bitirýshi túlekter úshin magıstratýraǵa jáne doktorantýraǵa túsý talaptary men erejelerin túsindirý maqsatynda ZOOM baǵdarlamasy arqyly vebınar ótti.

Vebınarǵa qatysqan Abaı atyndaǵy QazUPÝ-dyń professor-oqytýshylary, ınstıtýt dırektoraty men Kásiptik baǵdar berý jáne bilim alýshylardy qabyldaý ortalyǵynyń dırektory Nurmuhan Áýesbekuly jáne  4 kýrs stýdentteri men 2 kýrs magıstranttary negizi talaptardy talqylaý barysyna qatysty.

Vebınar barysynda ınstıtýt dırektorynyń ǵylymı ister jáne halyqaralyq qatynastar jónindegi orynbasary Muhtar Muratqazın talapkerlerdiń qujattaryn qabyldaý, magıstratýra men doktorantýraǵa tapsyrýdyń talaptary men erejelerin, magıstratýraǵa túsýdiń keshendi testileý qurylymy, bitirýshi túlekterge aqyly bólimge túsken jaǵdaıda ýnıversıtet tarapynan kórsetiletin jeńildikter jóninde slaıd arqyly túsindirý jumystaryn júrgizdi. Instıtýt dırektorynyń oqý isi jónindegi orynbasary Darııa Asymova men Kásiptik baǵdar berý jáne bilim alýshylardy qabyldaý ortalyǵynyń dırektory Nurmuhan Áýesbekuly sóz kezegin alyp, magıstratýra men doktorantýranyń bilim berý baǵdarlamalaryndaǵy ózgerister týraly, Halyqaralyq tildik sertıfıkattardyń qajetti deńgeıi, shekti ball jáne qujat tapsyrý merzimi týraly aqparattar berip ótti.

Vebınar sońynda bitiýshilerdiń suraqtaryna Nurmuhan Áýesbekuly, Muhtar Muratqazın, Darııa Asymova, Nurbolat Manapbaev jaýap berip, qosymsha aqparattarmen tolyqtyrdy.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar