Bıyl qorytyndy attestattaý jáne bilim alýshylardyń dıplomdyq jumysyn (jobasyn) qorǵaý Microsoft teems, AIS «Platonus» platformalarynda, ZOOM, Google class room arqyly beınebaılanyspen onlaın ótkizý josparlanýda. Sondaı-aq barlyq emtıhan beınejazbaǵa jazylady. Bul týraly Nur-Sultan qalalyq bilim basqarmasynyń baspasóz hatshysy Altynaı Zarlyqqyzy málimdedi.
Onyń aıtýynsha, qashyqtan oqýdyń nátıjeli bolýy maqsatynda oqýshylar men pedagogtardyń kompıýter jáne ınternet jelisimen qamtylýyna monıtorıng júrgizilgen.
«Monıtorıng qorytyndysy boıynsha bilim basqarmasymen mektep balansyndaǵy 7118 kompıýter kópbalaly jáne az qamtylǵan otbasylardan 6500 oqýshyǵa jáne 618 pedagogke ýaqytsha paıdalanýǵa berildi. Qosymsha 2 613 noýtbýk jáne ınternetpen qamtý úshin 5 200 flesh-karta satyp alyndy» dedi Altynaı Zarlyqqyzy.
Osy oqý jylynda kolledjderdegi túlekter sany – 6 605 stýdent, onyń ishinde 3 787-si memlekettik taspyryspen bitiredi. Bilim alýshylar men oqytýshylar qajetti tehnıkamen: kompıýter, flesh-karta jáne wi-fi roýtermen qamtamasyz etilgen.
Aıta ketý kerek, stýdentterge 1 280 910 teńge kóleminde áleýmettik kómek kórsetildi. 1000-nan astam aqyly topta oqıtyn stýdentterge oqý aqysy tóleı almaýyna baılanysty bıylǵy tamyz aıyna deıin shegerildi.
