Parlament • 20 Mamyr, 2020

N.Nyǵmatýlın: Májilis depýtattary ázirlegen zań jobalarynyń sany artty

19 retkórsetildi

Parlament Májilisiniń jalpy otyrysynda depýtattardyń bastamasymen qolǵa alynǵan halyqaralyq avtomobıl tasymaldaryn qadaǵalap otyrý máselelerine qatysty zań jobasy maquldandy.

Zań jobasynda talqylaý barysynda Májilis Tóraǵasy Nurlan Nyǵmatýlın depýtattardyń zań shyǵarýshylylyq jumysyna basa nazar aýdardy.

– Biz depýtattarymyzdyń bastamasymen ázirlengen taǵy bir zań jobasyn maquldadyq. Erekshe aıtý kerek, bizdiń depýtattardyń zań shyǵarý bastamashylyǵy osy sessııada óte joǵary. Mysaly, 41 Zań jobasyna depýtattar ózderi bastamashy boldy. Aldymyzda taǵy da on shaqty zań jobasy bar, – dedi Nurlan Nyǵmatýlın.

Maquldanǵan qujatta Úkimetke halyqaralyq tasymaldardy qadaǵalap otyrý júıesiniń ulttyq operatoryn aıqyndaý boıynsha quzyrettilik berý usynylady. Sonymen qatar halyqaralyq avtomobıl tasymaldaryn júzege asyrý kezinde elektrondyq sáıkestendirgishterdi (navıgasııalyq plombalardy) paıdalaný bóliginde tasymaldaýshylarǵa qoıylatyn talaptardy belgileý qarastyrylǵan.

Osylardyń qatarynda elektrondyq sáıkestendirgishterdi qasaqana búldirgeni nemese joıǵany úshin ákimshilik jaýaptylyqty engizý jáne elektrondyq sáıkestendirgishterdi paıdalaný tártibin salyq jáne bıýdjetke tólenetin basqa da mindetti tólemderdiń túsýin qamtamasyz etý salasynda basshylyqty júzege asyratyn ýákiletti organnyń bekitýi kózdeledi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar