– Birinshiden, tamaqtaný oryndarynda qyzmetkerler men kelýshilerdiń araqashyqtyǵy saqtalýy tıis. Ekinshiden, meıramhanalar men kafelerde jeldetý júıesi jaqsy kúıde bolýy shart. Mindetti túrde ǵımarat ishin jeldetip, aýasyn tazartyp turý kerek. Úshinshiden, tamaqtaný oryndarynda turaqty bakterısıdtik shamdar ornatylýy tıis. Bul koronavırýs ınfeksııasyn juqtyrý qaýpin azaıtady. Tórtinshiden, meıramhanalar men kafelerdiń kire berisine dezınfeksııalyq tosqaýyldar (kilemsheler) qoıylýy kerek. Besinshiden, ústelderdiń ornalasýy birkelki bolǵany jón, olardyń arasy 1,5-2 metr qashyqtyqta bolýy tıis,-dep málim etti oblystyń bas sanıtarlyq dárigeri Temirbek Musaǵalıev.
Onyń aıtýynsha, sondaı-aq, ǵımarat ishinde sanıtarlyq jáne dezınfeksııa jumystaryn ýaqytyly júrgizip, qyzmetkerlerge sanıtaızer men medısınalyq maskalardy qoldaný mindetti bolyp sanalady.
