«Qala shetinde qoqys úshin ruqsat etilmegen oryndar baıqalýda. Qurylys kompanııalary sol jerge zańsyz qoqys tógýde. Oǵan qosa qystan soń qarmen birge qurylys qoqystary shyǵarylǵany anyqtalýda. Qazir qoqys shyǵarýdamyz. Kásiporyndardan basqa, páterlerge jóndeý júrgizgen qala turǵyndarynyń ózderi qoqys shyǵardy. Ruqsat etilmegen jerler ekologııalyq jaǵdaıdy nasharlatady. Ekologııalyq polısııa osyndaı zańsyz áreketter úshin tártip buzýshylarǵa aıyppul salady. Tazalyq mádenıetin qalyptastyrý qajet» dedi qala ákiminiń orynbasary Altynbek Qaısaǵalıev.
Qala ákiminiń orynbasary elordada qurylys qaldyqtaryna arnalǵan polıgon salý qajetin atap ótti. Ákimdik polıgon jobasyn ázirledi. Qazir orny anyqtalýda.
Buǵan deıin elorda ákimi Altaı Kólginov ekologııalyq polısııa men aýdan ákimderine eskertý jasap, zańsyz qoqys shyǵarýǵa jol bermeýdi jáne qurylys qaldyqtaryn shyǵarý ornyn anyqtaýdy tapsyrdy.
