Aımaqtar • 20 Mamyr, 2020

Shyǵys Qazaqstan: Alakól jaǵalaýynda sý qubyry salynady

147 retkórsetildi

Jumysshylardyń 50 paıyzy – jergilikti turǵyndar.

 «Jumyspen qamtýdyń jol kartasy» baǵdarlamasy aıasynda Úrjar aýdanynda jalpy somasy 5 mıllıard teńgeden asatyn 42 joba júzege asyrylýda. Baǵdarlama sheńberinde 684 adamdy jumyspen qamtý josparlanyp otyr. Erekshe atap óterligi, onyń 50 paıyzy – jergilikti turǵyndar.

p

«Úlken eki joba Alakól jaǵalaýynda atqarylmaq. Birinshisi, aýdanymyzdyń týrızm salasyn damytý aıasynda Alakól jaǵalaýynda týrısterdi taza aýyz sýmen qamtamasyz etý maqsatynda sý qubyrynyń qurylysy salynady. Ekinshisi,  Maqanshy aýylynan Kóktal qosalqy stansııasyna deıingi elektr jelisiniń qurylysy júrgiziledi. Atalǵan eki jobany iske asyrý nátıjesinde Alakól jaǵalaýynda kól maýsymynda demalýshylardy taza sýmen qamtý jáne energııa qajettiligine degen qordalanaǵan máseleler sheshiletin bolady. Avtokólik joldaryn jóndeý úshin 2 joba iske asady. Aýdan ortalyǵy Úrjar aýylynyń ınfraqurylymyn jaqsartý maqsatynda 22 kóshege jáne Úrjar-Qyzyltý baǵytyndaǵy avtokólik jolyna ortasha jóndeý jumystary júrgiziledi. Áleýmettik sala da nazardan tys qalmaıdy. Aýdan kólemindegi 20 mekteptiń ǵımarattaryna aǵymdaǵy jóndeý jumystary jasalady. Mádenıet salasynda 11 joba iske asyrylyp, 10 aýylda Mádenıet úıleri men klýbtar jáne aýdandyq ortalyq kitaphana ǵımarattaryna aǵymdaǵy jóndeý jumystary júrgiziledi» deıdi Úrjar aýdandyq Ishki saıasat bóliminiń basshysy Eldos Beısenov.

p

Sonymen qatar eldi mekenderdi abattandyrý maqsatynda 5 joba júzege asyrylyp, Maqanshy aýylyndaǵy kóp qabatty turǵyn úılerdiń aýlalary abattandyrylmaq.

g

Úrjar áýejaıy aýmaǵynda jáne Alakól kóliniń jaǵalaýynda stasıonarlyq sanıtarlyq-gıgıenalyq toraptary ornatylady, Qyzyltý jáne Jańa-Tilek aýyldaryna shaǵyn-fýtbol alańdary salynady. Dene shynyqtyrý jáne sport salasy boıynsha Úrjar aýdanynyń balalar men jasóspirimder sport mektebi ǵımaratynyń shatyry aýystyrylyp fýtbol alańy aǵymdaǵy jóndeýden ótkiziledi. Qazir osy jumystardy júzege asyrý úshin 400 adam jumys istep jatqan kórinedi.

Shyǵys Qazaqstan oblysy,

Úrjar aýdany

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar