Álem • 20 Mamyr, 2020

Sheteldik BAQ-qa sholý: Strategııalyq qujattyń kemshin tusy bar

57 ret kórsetildi

Memleket basshysy Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysqany málim. Atalǵan onlaın jıyn barysynda 2025 jylǵa deıingi eýrazııalyq ekonomıkalyq ıntegrasııanyń strategııalyq damýy talqylandy. Prezıdent osy qujattyń keı bólimin qaıta talqylap, áli de pysyqtaı túsý kerektigine nazar aýdarǵan. Q.Toqaevtyń osy usynysy buqaralyq aqparat quraldarynda keńinen aıtyldy.

TASS agenttigi «Qazaq prezıdenti EAEO-daǵy áriptesterin daǵdarystan keıingi kezeńge daıyndalýǵa shaqyrdy» dep aqparat taratty.  Atalǵan BAQ-tyń habarlaýynsha, Q.Toqaev áriptesterin pandemııa daǵdarysynan keıingi kezeńge daıyndalýǵa shaqyrǵan.

«Qasym-Jomart Toqaev bıznesti qoldaý máselesine de erekshe nazar aýdardy. Prezıdent qazirgideı daǵdarys kezeńinde Eýrazııalyq ekonomıkalyq odaqqa múshe memleketterdiń barlyq resýrsy jumys oryndaryn turaqtandyrýǵa jáne saqtap qalýǵa baǵyttalǵanyn aıtty. Sonymen qatar Memleket basshysy Odaqtyń shyǵyny kóp jekelegen sheshimderin oryndaý, atap aıtqanda, qazirgi daǵdarys jaǵdaıynda keıbir taýar túrlerin mindetti túrde tańbalaý asa qajet emes dep esepteıdi», deıdi TASS.

8989

TimeTurk agenttigi Qazaqstan Prezıdentiniń ózara saýda, bıznesti qoldaý, sıfrlandyrý jáne kóliktik logıstıka salalaryndaǵy yqpaldastyq máselelerin odan ári nyǵaıtý jónindegi naqty usynystaryn ortaǵa salý jónindegi sózine ekpin bergen.

«Toqaev ózara saýda, bıznesti qoldaý, sıfrlandyrý jáne kóliktik logıstıka salalaryndaǵy yqpaldastyq máselelerin odan ári nyǵaıtý jónindegi naqty usynystaryn ortaǵa saldy.

Alyp geografııalyq aýmaqty alyp jatqan EAEO-ǵa múshe memleketterde kóliktik logıstıkany damytýǵa nazar aýdarǵan Prezıdent Toqaev «Atalǵan bastama aıasynda biz ulttyq taýar ótkizý júıesin qurýdy bastap kettik. Ol 2022 jylǵa qaraı 24 kóterme-taratý ortalyǵynan turatyn bolady. Bul 5 mıllıon tonna aýyl sharýashylyq ónimin saqtap, óńdep, taratýǵa múmkindik beredi», dedi.

Sondaı-aq Prezıdent Toqaev Odaqqa múshe múddeli elderdiń arasynda taýar taratýdyń ortaq júıesin qurý múmkindigin qarastyrýdy usyndy», dep habarlady TimeTurk agenttigi.

9889

Fergana agency Memleket basshysy Q.Toqaevtyń eýrazııalyq ıntegrasııany toqtata turý týraly aıtqan sózine nazar aýdarǵan.

«Qazaqstan Prezıdenti Qasym-Jomart Toqaev Joǵary Eýrazııalyq ekonomıkalyq keńestiń otyrysynda eýrazııalyq ekonomıkalyq ıntegrasııanyń strategııalyq damýy qujatyn áli de talqylaý qajet ekenin aıtty

Toqaev atalǵan qujatty odaqqa múshe memleketter basshylarymen betpe-bet kezdesken soń ǵana qabyldaý durys dep esepteıtinin jetkizdi. «Jalpy, bul mańyzdy qujatty qabyldaý ıdeıasyn qoldaımyn, biraq Strategııanyń keıbir bólimderin qaıta talqylap, áli de pysyqtaı túsý kerek», dep atap ótti.

Sondaı-aq Qasym-Jomart Toqaev birinshi kezekte taýarlardyń kedergisiz ári shekteýsiz tasymalyn is-júzinde qamtamasyz etý, sektorlar boıynsha taraptarmen kelisilgen biryńǵaı qyzmet kórsetý naryǵyn kezeń-kezeńimen qurý, ortaq energetıkalyq jáne qarjy naryǵyna daıyndalý qajettigin atap kórsetti.

Birneshe kún buryn Eýrzaııalyq ekonomıkalyq komıssııa ókili Eýrazııalyq ekonomıkalyq ıntegrasııanyń strategııalyq damýy qujaty qabyldanǵanyn málimdegen. Q.Toqaev ony orynsyz ekenin aıtty», deıdi Fergana agency.

8

EADaily saıtynyń habarlaýynsha, Qasym-Jomart Toqaev jıyn barysynda densaýlyq saqtaý, bilim jáne ǵylym salalary Eýrazııalyq ekonomıkalyq komıssııanyń quzyretine kirmeýi tıis ekenine nazar aýdarǵan.

«Densaýlyq saqtaý, bilim jáne ǵylym salalaryn Eýrazııalyq ekonomıkalyq komıssııanyń quzyretine tolyq kólemde berý, onyń ekonomıkalyq baǵytyn aıtarlyqtaı ózgertip jiberýi múmkin. Iаǵnı, 2015 jylǵy Eýrazııalyq ekonomıkalyq odaq qurý týraly kelisimniń mánine qaıshy keledi, dedi Qasym-Jomart Toqaev.

9

Qasym-Jomart Toqaev Eýrazııalyq ekonomıkalyq komıssııanyń ókilettigin keńeıtý máselelerine muqııat bolýǵa shaqyrdy. Sondaı-aq Eýrazııalyq ekonomıkalyq odaqqa múshe-memleketterdiń qyzmet kórsetý, ózara saýda máseleleri boıynsha úshinshi elmen ótkizetin ekijaqty kelissózderine Komıssııanyń qatysý quqyǵyna kelispeıtinin jetkizdi», deıdi EADaily saıty.

 

Sholýdy daıyndaǵan,

Abaı ASANKELDIULY,

Egemen Qazaqstan

 

 

 

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Uqsas jańalyqtar