«20 mamyrda qazaqstandyq metrologtar álemdik kásibı qaýymdastyqpen birge Dúnıejúzilik metrologııa kúnin atap ótedi. Mereke 1875 jyly Parıjdegi Metrıkalyq konvensııaǵa qol qoıý kúnine oraılastyrylyp, ónerkásiptik, kommersııalyq jáne qoǵamdyq qoldanýdaǵy ólshemder týraly ǵylym salasyndaǵy jahandyq yntymaqtastyqtyń negizin qalady.
Búginde Qazaqstan halyqaralyq deńgeıde tanylǵan tıimdi metrologııalyq ınfraqurylymǵa ıe ekendigin basa aıtqym keledi.
Qalyptasqan dástúr boıynsha Halyqaralyq ólshemder men tarazylar bıýrosy jahandyq saýdaǵa arnalǵan ólshemder degen 2020 jyldyń uranyn anyqtady.
Tańdalǵan taqyryptyń Qazaqstan úshin de ózektiligin atap ótkim keledi. Bizdiń elimizde alǵash ret ótken jyldyń maýsym aıynda Saýda jáne ıntegrasııa mınıstrligi quryldy, bul ulttyq brendter men taýarlardyń álemdik naryqtarǵa shyǵýynyń memleket úshin mańyzdylyǵyn bildiredi.
Saýdanyń ádil bolýyna yqpalyn, ónimge berilgen sertıfıkattarǵa senimdi, básekege qabilettilikti arttyrýdy jáne qazaqstandyq ónimniń halyqaralyq tanylýyn qamtamasyz etýdegi metrologııanyń rólin asyra baǵalaý qıyn.
Metrologııa akkredıtteýmen, standarttaýmen jáne sáıkestikti baǵalaýmen qatar ulttyq sapa júıesiniń negizgi komponentteriniń biri bolyp tabylatynyn eskere otyryp, Mınıstrlik salany damytýmen aınalysýdy jalǵastyrýda.
Qurmetti áriptester!
Respýblıkamyzdyń barlyq mamandaryn, sondaı-aq metrologııa isine óz talantyn, bilimi men tájirıbesin arnap júrgen sheteldik áriptesterimizdi kásibı merekemen quttyqtaımyn!
Sizderge tabystar men jańa jetistikter tileımin» delingen habarlamada.
