Qazaqstan • 20 Mamyr, 2020

Elimizde 111 qalalyq jáne 481 jeke jaǵajaı anyqtaldy

9 retkórsetildi

Tótenshe jaǵdaılar komıtetiniń baspasóz qyzmeti habarlaǵandaı, elimizde 111 qalalyq jáne 481 jeke jaǵajaı, sý aıdyndaryna jaqyn ornalasqan 70 balalar lageri anyqtaldy.

2019 jyly 607 resmı demalys orny (500 jeke menshik jáne 107 kommýnaldyq jaǵajaı) jumys istedi. Elimizdiń qutqarýshylary ótken jyldyń sýǵa shomylý maýsymy kezinde 269 adamdy, onyń ishinde 85 balany qutqardy.

Jyl basynan beri elimizdiń sýaıdyndarynda 38 adam sýǵa batyp ketti, onyń ishinde 13-i kámelettik jasqa tolmaǵandar. Sý aıdyndarynda adamdardyń qaza bolýynyń negizgi sebepteri:

- balyq aýlaý erejelerin saqtamaý (22 adam, onyń ishinde 5 adam muz astyna túsip ketti);

- muz astyna túsip ketti (6 adam, onyń ishinde 6 bala oıyn kezinde)

- sýaıdynynda qaraýsyz qalǵan balalardyń sýǵa qulaýy (6 bala);

- óz kúshin jete baǵalamaý, sý burǵyshqa túsý, qatty aǵys, aıaq-qoldyń qurysýy (3 adam, onyń ishinde 1 bala);

- mas kúıinde sýǵa shomylý (1 adam).

Jalpy ótken jylmen salystyrǵanda 23 adamǵa azaıǵany baıqalady.

Elimizde karantınniń is-áreketine qaramastan, belgilenbegen jerlerde sýǵa shomylýǵa baılanysty 4 adam, Nur-Sultan, Pavlodar qalalarynda, Aqmola jáne Túrkistan oblystarynda bir adamnan sýǵa batyp kóz jumdy.

Bul rette, jyl basynan beri Almaty – 6 adam, Qaraǵandy jáne Túrkistan oblystarynda 4 adamnan qaza tapty. Bul jerde adamdardyń qaza bolýynyń negizgi sebepteri balyq aýlaý kezinde qaýipsizdik erejelerin buzý bolyp tabylady.

Elimizdiń sý aıdyndaryndaǵy oqıǵalar sanyn azaıtý maqsatynda qutqarýshylar aldyn alý jumystaryn júrgizýde. Qutqarý bólimsheleriniń jeke quramy sýǵa shomylý maýsymy kezinde (1 myńnan astam qutqarýshy) qyzmet atqarýdyń kúsheıtilgen túrine aýystyryldy. 300-den astam júzý quraly men sýdaǵy 1000-ǵa jýyq qutqarý quraly daıyndaldy.

Qutqarý bólimshelerinde sýdaǵy resmı demalys oryndaryn qamtýdy arttyrý úshin qosymsha 85 qutqarýshy-jasaqshy oqytylady.

Qazir jedel-qutqarý jasaqtary jabdyqtalmaǵan ýchaskeler men tabıǵı jaǵajaılarǵa maýsymdyq mobıldi qutqarý beketterin qoıady, barlyǵy 53 beket qoıý josparlanýda.

Mobıldi beketter elimizdiń sýaıdyndarynyń 240 ýchaskesi, onyń ishinde 27 kommýnaldyq akvatorııa jáne 213 tabıǵı jaǵajaı qamtylatyn bolady. Alaıda, jabdyqtalmaǵan jáne shomylýǵa tyıym salynǵan sýaıdyndarynda sýǵa shomylý faktileri bar, onda ólimmen aıaqtalǵan jazataıym oqıǵalar jıi oryn alady. Azamattar óz kúshin durys baǵalamaý saldarynan sýda kóz jumady. О́tken jyly 268 adam, onyń ishinde 87 bala kóz jumdy.

Sonymen qatar, karantınge baılanysty halyq arasynda úgit-nasıhat ónimderin taratý jumystary (paraqshalar, jadynamalar, broshıýralar), sondaı-aq reıdtik is-sharalar júrgizilmeıdi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar