Jaryq dúnıege ińgálap kelgen sábıdiń tatar dámi bar eken. Qańtardyń sýyǵyna qaltyraǵan sábıdiń jylaǵan daýsyn alakeýimde oıanǵan turǵynnyń biri estip, úıine qushaqtap ákelipti. Dereý jedel járdem shaqyryp, dárigerlerdiń qaraýyna tapsyrdy.
Kindigi kesilmeı, tastandyǵyna aınalǵan sábıdiń júrek soǵysy tómendese de dárigerler aman alyp qaldy. Al, polıseıler Batys Qazaqstan oblysynan kelgen «kókek» anany úsh kún izdep, aqyry qolǵa túsirgen edi. Taıaýda sotta bezbúırek ananyń isi qaraldy.
–Sottalýshyǵa QR Qylmystyq Kodekstiń 119-baby, 2-bóligimen (Kómeksiz qaldyrylǵan adamnyń densaýlyǵyna abaısyzda aýyr nemese aýyrlyǵy ortasha zııan keltirýge ákep soqqan qaýipti jaǵdaıda qaldyrý) aıyp taǵyldy. Aıyptalýshy óziniń jasaǵan áreketin tolyq moıyndap, prosesýaldyq kelisim jasaý jóninde usynys bildirdi. Sot ony kináli dep tanyp, 1 jyl merzimge bas bostandyǵyn shekteý jazasyn taǵaıyndady, - dep habarlady Atyraý oblystyq sotynyń baspasóz qyzmeti.
