Respýblıkalyq mańyzy bar avtomobıl joldarynda jol-kólik oqıǵalar sany 38,6 paıyzǵa tómendegen. Qaza bolǵandardyń sany 45,5 paıyzǵa jáne jaralanǵandardyń sany 56,0 paıyzǵa azaıǵan. Jergilikti mańyzy bar avtomobıl joldarynda 33 jol-kólik oqıǵasy tirkelip, onyń tómendeý kórsetkishi 47,6 paıyzdy qurap otyr. Saldarynan 13 adam qaıtys bolyp, 49 adam jaraqat alǵan. Sol sııaqty, qalalar men eldimekenderdiń kóshe-jol jelilerinde 196 jol-kólik oqıǵasy tirkelgen. Sonymen qatar, Jaıdarbek Quttybaev 2019 jáne 2020 jyldyń 4 aıynyń qorytyndysy boıynsha oblysta tirkelgen kólik quraldarynyń sany 85,3 paıyzǵa óskenin atap ótti. Kólik sanynyń artýy jol-kólik apatynyń ósýine edáýir áser etýde ekenin aıtty. Sondaı-aq, polısııa polpolkovnıginiń aıtýynsha, joldardaǵy apattylyqty týdyratyn negizgi faktorlar júrgizýshilerdiń tómen tártibi men eldimekenderdegi joldardyń nashar jaǵdaıy. Polısııa departamentimen aǵymdaǵy jyldyń 4 aıynda jol qozǵalysy qaýipsizdigin qamtamasyz etý maqsatynda oblystyń 12 myń shaqyrymnan astam avtojoldary tekserilgen.
«Jyl basynan beri oblys ortalyǵynyń aýmaǵynda 98 baǵdarsham nysany qalpyna keltirilip, 12 negizgi qıylystarda «Aqyldy baǵdarsham» baǵdarlamalyq qamtamasyz etý qondyrǵysy ornatyldy. Azamattardyń qaýipsizdigin qamtamasyz etý jáne jol-kólik jaraqattylyǵynyń aldyn alý maqsatynda, jyl basynan beri Jambyl oblysynyń Polısııa departamenti Jergilikti polısııa qyzmeti basqarmasynyń qyzmetkerleri «Qaýipsiz jol», «Avtobýs» jáne «Quqyqtyq tártip» aldyn alý is-sharalaryn uıymdastyrdy. Sonymen qatar, jaıaý júrginshilerdiń, onyń ishinde balalardyń qaýipsizdigin qamtamasyz etý úshin mektepter men mektepke deıingi mekemelerdiń janynda, sondaı-aq, qalanyń negizgi kóshelerinde «Jaıaý júrginshiler ótkeli» jol belgileri jaryqdıodty shamdarǵa aýystyryldy jáne oqýshylardyń maketteri ornatyldy. Polısııa departamentimen 2020 jyldyń basynan jol- kólik erejelerin buzýǵa qatysty 30 599 ákimshilik quqyqbuzýshylyq deregi anyqtaldy. Patrýldik polısııa batalonynyń qyzmet ınspektorlary Taraz qalasy jáne aýdandarda 10-nan astam lokaldi jumystar uıymdastyrdy. JAC avtokólikteri negizinde 10 dana «Arqan» mobıldi apparattyq-baǵdarlamalyq kesheni satyp alyndy», dedi Jaıdarbek Quttybaev.
Jambyl oblysy
