Koronavırýs • 21 Mamyr, 2020

Qazaqstanda koronavırýs órship tur

519 retkórsetildi

Elimizde COVID-19 vırýsyn juqtyrǵandardyń sany keshe 6969 adamǵa jetti. Áıtsede «naýqastardyń sany jeti myńǵa jetip qalypty-aý», dep osynaý qaýipti ınfeksııanyń qaýpin sezinip, saqtanyp júrgen adam az. Bul jaǵdaı kóńildi qaıtadan alańdata bastady.

Árıne aýrýdan jazylǵan­dardyń sany da sát saıyn ózgerip, em qonǵan­dardyń qatary kún sanap kó­beıip kele jatyr. Qazir osy indetten aıyǵyp, aýrýhanadan shyqqandardyń sany 3734-ke jetti. Iаǵnı jeti myńnan 3734-ti she­gerip tas­tasaq, eńsemizdiń eptep kóte­rilip qalatyny ras. Bi­raq qa­zirgi jaǵdaıda tarazynyń tili qaı jaǵyna aýatyny el tur­ǵyndarynyń tártibine baılanysty bolyp tur emes pe?

Iá, sońǵy aptalarda elimizde COVID-19 vırýsyn juqtyrǵan jandardyń ósimi ájeptáýir tómendedi degen aqparat tótenshe jaǵdaıdan boıyn endi tikteı bastaǵan jurtty bir qýantyp tastaǵany anyq.

Shynynda koronavırýs tizgindelip, juqtyrǵan adamdardyń sany da azaıyp, osy indetke baılanysty ótetin brıfıngter de sırep, jurttyń nazary kúndelikti tirshilikke aýa bastaǵan edi. Eki aıdan beri úıinen uzap shyqpaǵan halyq Tótenshe jaǵdaı rejimi aıaqtal­ǵanymen karantınniń áli de kúshinde ekenin túsine almaı, blok beketterde biraz áýre-sarsań bolǵany ras. Degenmen de bul jaǵdaıdyń bári birte-birte qalypqa túsip, kóp uzamaı-aq umytyla bastady. Qazir blok-beketten ary-beri óte alatyn adamdardyń tizimi kún saıyn keńeıtilýde.

Degenmen de ótken aptada Shymkent qalasynda bir kúnde vırýs juqtyrǵan 77 adam anyqtalýy adamdy ári-sári qylyp qoıǵany jasyryn emes. Osydan keıin onsyz da halyq tyǵyz ornalasqan ońtústikte tótenshe jaǵdaı rejimin aıaqtap, mıllıon turǵyny bar megapolıske kirip-shyǵýdy jeńildetý qan­shalyqty oń boldy degen oıdyń da kelip qalǵany ras. Shynynda ejelden eń­bekqor ońtústik halqy 11 mamyrdan keıin qyzý tirshilikke kirisip, tártip pen tazalyqty tipten bosańsytyp al­dy ma eken? Bir qýanyshtysy, topan sý­dan zardap shekken Túrkistan ob­ly­synyń Maqtaaral, Jetisaı, Tólebı, Qazyǵurt aýdandaryndaǵy halyq osyndaı qysyltaıań sátte karantın tártibin saqtaýǵa shamalary kelmeı, top-top bolyp bir-birine kómek qolyn sozyp jatqanda bul indet «jaý jaǵadan alǵanda bóri etekten alady» dep tipten, qutyryp shyǵa kelmedi, áıteýir. «Qudaı qarasty» degen osy shyǵar, bálkim.

Almaty men elordanyń da qaýip­ti indetke baılanysty málimetteri áli de máz emes. Sodan bolar Nur-Sultan qalalyq densaýlyq saqtaý basqarmasynyń basshysy Sáýle Qısyqova brıfıng ótkizip, karantın sharalarynyń jeńildeýi vırýstyń kez kelgen ýaqytta qaıta órshýine ákep soǵatynyn aıtty. Bir qýanyshtysy, naýqastardyń sany saǵat saıyn ósip kele jatqanda qaıbir kúni eki oblysta, atap aıtsaq, Aqtóbe oblysy men Shyǵys Qazaqstan oblysynda osynaý indetti juqtyrǵandar múldem tirkelmedi.

Endi keıbir qalalarda saýda júıeleri, tamaq ishetin oryndar jumysyn jalǵastyryp, qoǵamdyq kólikter júre bastady. Degenmen de áleýmettik jeli­lerdegi jurttyń áńgimesinen baıqaǵany­myz, kóshede, qoǵamdyq oryndarda qaýip­sizdik erejelerin saqtaǵan jurt az. Kópshilik asta-tók dastarqan jaıyp, yrǵyn qonaq shaqyrýdy qaıta basta­ǵandaı... Tipti avtobýsqa mingen jolaý­shylar maska kııýdi mindet sanamaıdy. Mine, osylaısha «Mássaǵan, indetti juq­tyr­ǵandardyń sany jeti myńǵa jaqyn­dady, qudaı ózi aqyryn bere gór» dep ishegin tartyp, basyn shaıqaıtyn jan­dardyń ózi karantınniń qarapaıym erejelerin saqtamaı, naýqastardyń sany­nyń kóbeıýine jaǵdaı jasap júr.

Qazir jaǵdaı sát saıyn ózgerip jatyr. Indettiń betalysyn da boljaý qıyn bolyp tur. Elimizdiń Bas sanıtar dárigeri Aıjan Esmaǵambetova sáýir aıynyń so­ńynda «Qazaqstanda koronavırýs juq­tyr­ǵandardyń sany mamyrdyń aıaǵyna deıin 5 300-ge jetedi» dep aıtqan bolatyn. Mine, mamyrdyń ortasynan endi aýǵan kezde naýqastardyń sany 7 myńǵa jete­ıin dep qaldy. Áıteýir kóńil alań. Tipti alań deýdiń ózi az sııaqty. Janyń shoshıdy.

Iаǵnı qaýipti indettiń endigi tizgini tur­ǵyn­dardyń óz qolynda degen sóz. Tótenshe jaǵdaı rejimi aıaqtalsa da karantındik sharalardy saqtaý, osyǵan deıingi tártip pen talapty sol kúıinde tas qyp ustaý óte mańyzdy ekenin el túsine me?

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar