Áýlıeatalyqtarǵa áleýmettik kómek kórsetilýde

Jambyl oblysy ákiminiń birinshi orynbasary Bekbolat Orynbekovtiń aıtýynsha, jumyssyzdyqty qys­qartý maqsatynda óńir ákimdigi «Jumyspen qamtýdyń jol kartasy» baǵdarlamasy sheńberinde jergilikti ónim berýshilerdi barynsha tarta otyryp, 61,2 mıllıard teńgege 831 jobany iske asyratyn bolady. Búginde 95 nysannyń qurylysy júrgizilýde. 9 nysanǵa qaıta jańǵyrtý, 72 nysanǵa kúrdeli, 395 nysanǵa aǵymdy jóndeý jáne uzyndyǵy 741 shaqyrym jol­ǵa ortasha jóndeý jumystary júr­gizilý­de. Qazirgi kezde jumystar bas­taldy. Onda 19,6 myń ýaqytsha, 1 myń­nan asa turaqty jumys orny qu­rylady. 1,3 mıllıard teńge salyq­tyq túsimder kútilýde. Sondaı-aq Qordaı aýdanynda oryn alǵan jaǵ­daı saldaryn joıýǵa respýblıka rezervinen qosymsha 2 mıllıard teńge bólingen. Oǵan 498 ýaqytsha jumys orny ashylady. Búginde Qordaı aýdanynyń Qarakemer, Masan­shy, Sortóbe, Aýqatty, Bular batyr aýyl­­­daryndaǵy 96 kósheniń jol­daryn jóndeý jumystary bastal­sa, Qarasaı, Qarasý, Aýqatty aýyl­daryn­daǵy 3 densaýlyq saqtaý nysany kúrdeli jóndeýden ótýde.

 «Aýyl – el besigi» jobasymen qaralǵan 7,4 mıllıard teńgege 26 eldi mekende 109 joba iske asyrylady, 1287 jumys orny qurylady. 9 jańa áleýmettik nysan boı kóterip, aýyl turǵyndarynyń ómir súrý sapasy artady. Barlyq áleýmettik mindettemelerdi oryndaý boıynsha «Eńbek» baǵdarlamasyna bólingen 16,8 mıllıard teńgege 33,2 myń adam jumyspen qamtýdyń belsendi sharalarymen qamtylady. 2 291 adam oqýmen qamtylsa, «Jappaı kásipkerlikti damytý» baǵytynda 1326 kásipkerge 5,3 mıllıard teńge shaǵyn nesıe, 3346 adamǵa 1,8 mıllıard teńge grant berilip, 1602 adam bıznes-bastaýmen oqytylýda. 15,3 myń adam aqyly qoǵamdyq jumysqa tartylatyn bolsa, 1168 adam áleýmettik jumys oryndaryna, 4566 adam jastar praktıkasyna joldanýda. Oblystaǵy 289 myńnan astam adamǵa 42500 teńge áleýmettik tólem taǵaıyndaldy. 9433 otbasyna, ıaǵnı 51462 adamǵa 1,5 mıllıard teń­gege ataýly áleýmettik kómek taǵa­ıyn­dalyp, onyń ishinde 9130 otbasyna tólendi. Kepildendirilgen áleý­mettik toptamamen 1-6 jastaǵy 12,2 myń balaǵa áleýmettik toptamalar jet­kizilip, taratyldy. 6-18 jastaǵy 19,1 myń balaǵa 5647 teńgeniń azyq-túlik-turmystyq jıyntyq quramy tólendi. Bul 108,1 mıllıon teńgeni quraıdy», dedi Bekbolat Orynbekov. Sondaı-aq elimizde tótenshe jaǵdaı jarııalanýyna oraı, 2 aılyq eseptik kórsetkishten tómen emes mólsher­de 77,1 myń adamǵa 429,3 mıllıon teńge tólengen. Nur Otan partııasy fılıalymen birlesip «Birgemiz» qorynan Taraz qalasyndaǵy halyqtyń áleýmettik osal toptary qataryndaǵy 7 sanattaǵy 16,8 myń adamǵa 50 myń teńgeden, barlyǵy 838,4 mıllıon teńge kóleminde kómek kórsetilgen.

 О́z sózinde Bekbolat Orynbekov 9 mamyr – Jeńis kúnine oraı óńirdegi 57 Uly Otan soǵysynyń ardageri men soǵys múgedekterine 1 mıllıon teńgeden birjolǵy áleýmettik kómek kórse­tilip otyrǵanyn, 6813 adamdy bir­jolǵy áleýmettik kómek­pen qam­tý úshin 500 mıllıon teńge qaras­tyryl­ǵanyn jetkizdi. «Memleket basshy­synyń tapsyrmasyn oryndaý maq­satynda oblystaǵy basym emes bıýd­jet shyǵystary 2,5 mıllıard teń­gege oń­taılandyryldy. «Oryn alǵan tóten­she jaǵdaıǵa baılanysty jergi­likti atqarýshy organdardyń rezer­vin 10 paıyzǵa deıin ulǵaıtý» úshin ob­lys rezervi 2 mıllıard teńgege deıin ul­ǵaı­tyldy. Ekonomıkany turaqtandyrý maqsatynda oblysta salyqtyq yntalandyrý toptamasy júzege asyrylýda.

Aǵymdaǵy jyldyń 1 sáýirinen 1 qa­zanǵa deıin 1674 shaǵyn jáne orta bıznes sýbektileri salyqtan jáne eńbekaqy tóleý qorynan alynatyn áleýmettik tólemderden bosatyldy. Jalpy salyqtyq yntalandyrý nátıjesinde oblys bıýdjetiniń kirisi kemigeli otyr. Jergilikti bıýd­jet kirisin tolyqtyrýǵa respýb­lıka­dan 5,6 mıllıard teńge qarastyryldy. «2020-2022 jyldarǵa arnalǵan respýblıkalyq bıýdjet týraly» Qazaq­stan Respýblıkasynyń 2020 jylǵy 08 sáýirdegi №299-VI zańy­nyń negizinde Jambyl oblysyna respýb­lıkalyq bıýdjetten qosymsha 41 946,1 mıllıon teńge transfertter qarastyryldy. Bıznesti qoldaý baǵytyndaǵy «Bıznestiń jol kartasy» baǵdarlamasy aıasynda paıyzdyq mólsherlemeni sýbsıdııalaýǵa 2 mıllıard teńge, shaǵyn jáne orta bızneske kredıtterdi ishinara kepildendirý­ge 778,6 mıllıon teńge, grantqa 171 mıl­lıon teńge bólindi. Kásipkerler­diń ınfraqurylymyn damytý úshin 5 jobaǵa 218 mıllıon teńge bólindi. Budan 16,4 myń jumys orny saq­talady. «Qarapaıym zattar ekonomıkasyn» iske asyrýda 68,2 mıllıard teńgege 91 joba maquldandy. 5234 ju­mys orny qurylady», dedi ol.

Jalpy, aýylsharýashylyq salasyn qoldaý maqsatynda 20 mıllıard teńgeden asa ártúrli baǵytta sýbsıdııalar qarastyrylǵan. Baǵany turaqtandyrý maqsatynda áleýmettik mańyzy bar azyq-túlik taýarlaryn satyp alýǵa oblystan 220 mıllıon teńge bólingen. Kóktemgi egis jumystary óz qarqynymen júrýde. Al halyqtyń tabysyn arttyrý jónindegi qanat­qaq­ty joba da óńir ekonomıkasy­nyń ósýine óziniń oń áserin tıgizýde. Bólingen 7,2 mıllıard teńgege 2489 ótinim qarjylandyrylyp, tolyq ıgerilgen. Onyń 1 mıllıard teńgesine 192 birlik tehnıka satyp alynsa, 11 aýyldyq okrýgte kooperatıvter qurylyp, úı irgesindegi jerdi tıimdi paıdalanýǵa 125,9 mıllıon teńge jáne paı jerlerdi paıdalanýǵa 230,1 mıllıon teńge bólingen.

«Oǵan tuqym, tyńaıtqyshtar, hımııalyq qorǵaý zattary alyndy, 16 jylyjaı salyndy. 6,9 mıllıard teńgege 44,9 myń mal basy jáne mal azyǵy satyp alyndy. 64,7 mıl­lıon teńgege 12 jobada aýyl tur­ǵyn­darynyń jeke shaǵyn kásibi ashyldy. Nátıjesinde, 8 myńnan asa otbasynyń tabysy qosymsha 156 myń teńgege artady. Aýyl sharýashyly­ǵy óniminiń kólemi 2 esege ósedi jáne 2459 ózin ózi jumyspen qamtyǵandar men jumyssyzdar jeke kásipker retin­de tirkeletin bolady. Memleket­tik baǵdarlamalar sheginde bólingen qarjy da ekonomıkanyń ósýine áserin tıgizýde. «Nurly jol» baǵdarlamasy aıasynda 8,9 mıllıard teńgege 23 joba iske asyrylyp bastady, 990 adam jumyspen qamtylady. 34,9 mıllıon teńge salyq túsimi kútilýde. «Nurly jer» baǵdarlamasy aıasynda 26,4 mıllıard teńgege 151 joba iske asyrylyp, 3326 adam jumyspen qamtylyp, 161,7 mıllıon teńge salyq túsedi. «Jambyl oblysyn damytý» baǵdarlamasy aıasynda 20,8 mıllıard teńgege 84 joba iske asyrylyp, 1384 adam jumyspen qamtylady, 61,6 mıllıon teńge salyq túsedi. Atalǵan sharalardy atqarý nátıjesinde oblys­ta jalpy 58,7 myń adam belsendi sharalarmen qamtylyp, onyń 52,5 myńy jumyspen qamtylady. 22,7 myń adam turaqty jumysqa ornalasatyn bolady. 85 paıyzdan asa, jergilikti 153 kásiporynmen óndiriletin qury­lys materıaldary paıdalanylatyn bolady. Jumystarǵa barynsha jergilikti merdigerler tartylýda», dedi Bekbolat Orynbekov.

Sondaı-aq ol ınvestısııa, qury­lys jumystarynyń, paıdalanýǵa beriletin turǵyn úı kóleminiń artatynyn, jalpy 4,4 mıllıard teńge kóleminde salyq­tyq túsimderdiń túsýi kútilýde ekenin, oblystaǵy ózin ózi jumyspen qamtyǵandar 32,2 paıyzdan 29,7 paıyzǵa, nátıjesiz jumyspen qamtyǵandar 4,3 paıyzdan 4 paıyzǵa tómendeıtinin jetkizdi.

Jambyl oblysy