Ekonomıka • 21 Mamyr, 2020

Ushaqpen 1,6 mln jolaýshy tasymaldandy

6 retkórsetildi

Statıstıka komıtetiniń deregi boıynsha, bıylǵy jyl­dyń alǵashqy toqsanynda áýe kompanııalary tasymaldaǵan jolaýshylardyń jalpy sany 1 mln 687 myń adam boldy. Bul kórsetkish ótken jyldyń sáı­kes kezeńimen salystyrǵanda 5,2%-ǵa kóp.

Alaıda naýryz-sáýir aılarynda jolaýshylar sany 70%-ǵa qysqardy. 1 sáýirden bastap Tótenshe jaǵdaılar jónindegi memlekettik komıssııanyń tapsyrmasyn oryndaý sheńberinde qazirge deıin 97 halyqaralyq baǵyt boıynsha aptasyna 440 reıs neme­se barlyq halyqaralyq ushýlardyń 99%-y qysqartylǵan bolatyn. 1 mamyrdan bastap qana el ishindegi reıs­ter ishinara ashyla bastady.

Azamattyq avıasııa salasy sarap­shylarynyń habarlaýynsha, áýe reısteriniń toqtap qalǵanynyń saldarynan otandyq áýe kompanııalary­nyń tabysy kúrt azaıyp ketti. Bul kórsetkish olardyń jyldyq tabysyna da keri áser etetini sózsiz. «Samuryq-Qazyna» AQ Kólik jáne logıstıka jónindegi basqarýshy dırektory Qanat Alpysbaev aıtqandaı, «Eır Astananyń» kirisi shamamen 139,5 mlrd teńgege nemese 33%-ǵa, «Qazaq Air» AQ-nyń kirisi 6,2 mlrd teńgege nemese 44%-ǵa tómendeýi múmkin. Jyl sońyna deıingi shyǵyn kólemi shamamen 300 mlrd teńgeni quraıdy degen boljam bar.

Azamattyq avıasııa salasynda shamamen 20 myń adam jumys isteıti­nin aıta keteıik. Tótenshe jaǵdaıǵa qaramastan, bul salada qysqartý bolǵan joq.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Uqsas jańalyqtar