Bilim jáne ǵylym mınıstrligi mundaı josparymen negizinen byltyr bólisken edi. Bilim jáne ǵylym vıse-mınıstri Rústem Bıǵarı Astana Hub tehnoparkindegi áleýmettik ınnovasııalar zerthanasynyń ashylýynda: «Bilim berý júıesinde 67 qyzmet elektrondy túrde qoljetimdi. Máselen, qazirgi ýaqytta joǵary oqý ornyna qujat tapsyrý qıyn jumys bolyp kórinedi. 2020 jyldan bastap onyń qajeti bolmaıdy. О́ıtkeni jyl sońyna deıin barlyq aqparat sıfrlanady. «Kúndelik» júıesindegi derekter avtomatty túrde JOO-ǵa beriledi, sáıkesinshe qujattardy qaıta tapsyrýdyń keregi joq», dep málimdegen bolatyn. Endi jaqynda osy jospardyń naqty qolǵa alynyp, iske asyrylǵany aıtyldy.
Osylaısha aldaǵy qujat qabyldaý qyzatyn kezeńde kolledjder men JOO talapkerlerdiń ótinishin eGov.kz arqyly qabyldaıdy. Bul týraly jaqynda Bilim jáne ǵylym mınıstri Ashat Aımaǵambetov habarlady. Mınıstrdiń málimdeýinshe, endi talapkerlerge qujattardy qaǵaz túrinde tapsyrýdyń qajeti joq. Árbir bolashaq stýdent ózi tańdaǵan kolledjdiń jáne JOO-nyń saıttary nemese «Elektrondyq úkimet» portaly arqyly qujattaryn tapsyra alady. «Qujat tigetin papkalardy, konvertterdi satyp alý, qaǵaz anyqtamalardy tapsyrý, tań atpastan joǵary oqý oryndary men kolledjderdiń qabyldaý komıssııalarynda kezekte turý nemese basqa eldi mekenge qatynaý máseleleri týyndamaıdy. Munyń bári budan bylaı ońaı jáne yńǵaıly bolady. Saıtqa kirip, bir tetikti basý arqyly barlyq qujatty jibere alady», dedi mınıstr.
