Bul zań jobasyn ázirleý jáne qabyldaý prosesteriniń ózi «Halyq únine qulaq asatyn memleket» tujyrymdamasynyń dáleli. Onymen qosa zań jobasynyń logıkasy qoǵam qajettiligine baılanysty ózgertilmek.
Senattaǵy talqylaýdan keıin bastapqy ázirlengen zań jobasynyń tek ataýy ǵana qalyp, qujat tolyq ózgergen. Munyń barlyǵy atalǵan zań azamattardyń qoldanýyna jeńil ári yńǵaıly bolýy úshin jasalyp otyr. Senatorlar óz usynystaryn jetkizip, zań jobasynyń jetispeıtin tustaryn atap kórsetti.
Bul úrdisti eskersek, zań jobasyn qabyldaý prosesiniń sozylyp ketkeni ras. Demokratııa degenimiz kelisý men prosedýralar. Kelisý men prosedýralar kóp bolǵan saıyn zań da halyq úshin barynsha yńǵaıly bola túsedi. Sondyqtan eger yryqtandyrýǵa qaraı qandaı da bir ózgertýler engiziletin bolsa, biz muny quptaımyz. Al dál qazirgi ýaqytta zań jobasy aqylǵa qonymdy jáne halyqaralyq standarttarǵa saı keledi dep aıta alamyz.
Erlan SAIYROV,
Eýrazııalyq ıntegrasııa ınstıtýtynyń dırektory, Ulttyq qoǵamdyq senim keńesiniń múshesi
