Polısııa qyzmetkerleri kesheden beri joǵalǵan balany izdestirip jatyr. Keshe keshkisin balaqaıdy izdestirýge 50 volonter men 50 sarbaz jumyldyrylǵan edi. Olar túnimen jaýǵan jańbyrǵa qaramaı, balany izdeýdi toqtatpady.
– Búgin, 21 mamyrda jergilikti ýaqytpen tańǵy saǵat 6:30-da kómekke 400-ge jýyq erikti kómekke keldi. Sondaı-aq izdestirý jumysyna Ulttyq Ulannyń 50 sarbazy, polısııanyń 100-den astam qyzmetkeri, 50 volonter jumyldyryldy. Olar «Juldyz» shaǵynaýdanyndaǵy 51 kósheni jan-jaqty tekserýge kiristi. Polısııa qyzmetkerleri jedel izdestirýdiń ózge de nusqalaryn qolǵa aldy. Shaǵynaýdan aýmaǵyndaǵy kanalızasııalyq qudyqtar, mańyndaǵy barlyq nysandar tekserilip jatyr, - dep habarlady oblystyq polısııa departamentiniń baspasóz qyzmeti.
