Aımaqtar • 21 Mamyr, 2020

Kókshetaýda biliktilikti arttyrý kýrstary qashyqtan oqytylýda

10 retkórsetildi

Elimizde karantın jarııalanǵannan beri «О́rleý» biliktilikti arttyrý ulttyq ortalyǵynyń Aqmola oblysy boıynsha fılıaly onlaın formatta 500 muǵalimdi oqytty.

Tótenshe jaǵdaı bastalǵan kezden búginge deıin 22 kýrs uıymdastyrylǵan. Bul dáristerge onlaın rejımde ózin-ózi taný, qazaq, aǵylshyn tili, geografııa taǵy basqa birneshe pánnen arnaıy kýrstary ótti. 250 ustaz kýrsty tolyq aıaqtap, sertıfıkat alsa, taǵy 250 muǵalimniń onlaın kýrsy osy aptada aıaqtalmaq.

– Kýrstarǵa barlyq ustazdar belsendi qatysýda, esh kedergisiz támamdap jatyr, - deıdi «О́rleý» biliktilikti arttyrý ulttyq ortalyǵy fılıalynyń zerthana meńgerýshisi Baıan Súıindikova.

Bilim alýǵa esh kedergi joq. Jańa zamannyń talabyna saı tehnologııany qapysyz meńgergen ustazdar qaýymy qashyqtan oqytý kezinde bilim ıgerýde.

– О́z bilimin jetildirý óz mamandyǵyn súıetin, óz isine jaýapty qaraıtyn alǵan dáristi tıimdi paıdalanatyn muǵalimdik kásipke tán jaǵdaı. Qashyqtan oqytý oqýshyǵa ǵana emes, muǵalimderdiń biliktiligin arttyrýǵa da zor úles qosyp jatyr,– deıdi №17 mektep-gımnazııasynyń muǵalimi Almıra Mahmetova.

Kýrsty aıaqtaǵan pedagogtarǵa sertıfıkat elektrondy pochta arqyly jiberiledi. Qaǵaz túrinde qajet bolyp jatsa, ortalyqqa kelip alýǵa da jaǵdaı jasalǵan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar