Aımaqtar • 21 Mamyr, 2020

«Bastaý bıznes» baǵdarlamasynyń bereri mol

56 retkórsetildi

О́tken jyly «Bastaý bıznes» baǵdarlamasy aıasynda birqatar aqmolalyq ózderiniń iskerlik ıdeıalaryn júzege asyrdy.

Baǵdarlama aıasynda Zerendi aýdanynyń turǵyny Raıhan Sársenbaeva da kásipker tanýǵa nıettenipti. Áýeli shaǵyn kásip ashyp, joldasy ekeýi qaz ósirýmen aınalysa bastaǵan. Búginde kásibi otbasylyq bıýdjetke táp-táýir qoldaý bolyp otyr. Úıdegi oı ońynan iske asqan soń otbasy kelesi jyly shaǵyn kásipti keńeıtýdi josparlap otyr. 

Raıhan Sársenbaeva  aýylda kásip ashyp,  ony tabysty etý degen oı úsh uıyqtasa túsine kirmegen. О́tken jyly «Bastaý bıznes» baǵdarlamasy boıynsha granttyq qarjylandyrýǵa ıe bolǵan. Búgingi kúni kásibin dóńgeletip otyr. Keıipkerimizdiń kásibi  zamanaýı úlgidegi bıznesvýmenge múldem uqsamaıdy. Dese de, ol ózi tańdaǵan kásiptiń  has sheberine aınalǵandaı. 

– 250 myń teńge kólemindegi  grantqa 170 qaz satyp aldym. Alǵashqy kásiptiń bastaýy qarasha jáne jeltoqsan aılaryna dóp keldi. Keıin taǵy da 100  qaz satyp aldyq. Aldaǵy ýaqytta qus sanyn kóbeıte túspekpiz. Qaz basyn kóbeıtý úshin analyq qazdardy alyp qalamyz, – deıdi kásipker Raıhan Sársenbaeva. 

Bir maýsymda 100 qazdan 300 myń teńge taza paıda kóredi eken. Joldasy Murat qaz ósirý tıimdi bıznes túri ekenin aıtady. Eń bastysy erinbeı, kútip-baptaý.  

– Alǵashqy eki apta jem-sýyn berip ósirip alamyz. 100 balapanǵa 30 keli qorek kerek. Sodan keıin arpamen, usaqtalǵan bıdaı bere bastaımyz. Úıimizdiń janynda keń jaıylym bolǵany jaqsy bolyp tur, – deıdi kásipker Murat Sársenbaev.

Qaz ósirip, etin satý tıimdi kásip túri. Alǵashqy balapandardy satyp alýǵa ketken qarajat aqtalady, - deıdi kásipkerler.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar