Aımaqtar • 21 Mamyr, 2020

Murat Áıtenov iri aýyl sharýashylyǵy nysandarynyń jumysymen tanysty

32 retkórsetildi

Búgin Shymkent qalasynyń ákimi M.Áıtenov qalanyń aýyl sharýashylyǵy salasynyń damýyna eleýli úles qosyp jatqan birqatar iri nysannyń jumysymen tanysty. 

Shahar basshysy bul nysandardy qalanyń aýyl sharýashylyǵy salasyna jaýapty orynbasary M.Isahov jáne Aýyl sharýashylyǵy jáne veterınarııa basqarmasynyń basshysy A.Qanybekovpen birge aralady. 

Atap ótsek, birinshi nysan Qarataý aýdany, Saıram eldi mekeni, Ibragım ata kóshesinde ornalasqan mal bordaqylaý jáne taýarly sút ónimin óndirýmen aınalysatyn «Báıterek Agro» AО́K-i boldy. Atalǵan keshenniń negizgi óndiris salasy – iri qara mal bordaqylaý, taýarly sút fermasy, sút qabyldaý men qaıta óńdeý jáne mal soıý orny. Munda 1300 basqa arnalǵan iri qara mal bordaqylaý alańy men 200 bas taýarly saýyndy sıyr bar. Táýligine 4 tonnaǵa deıin sút qabyldap, sáıkesinshe osy ýaqyt ishinde 4 tonnaǵa deıin sút óńdeledi. Budan basqa táýligine 50 bas iri qara maldy soıýǵa múmkindikteri tolyqtaı jetkilikti.

Qazirgi tańda bul keshende 60 adam turaqty, al aýysym kezinde 200 adam jumys isteıdi. О́ndiris orny jaıly erekshe atap óterligi, aýyl sharýashylyǵy kooperatıvinde óndirilgen ónimderdi tikeleı deldaldarsyz qoljetimdi baǵada usyný maqsatynda qalanyń turǵyndary tyǵyz shoǵyrlanǵan jerlerinde 5 dúkende satylýda. Bul ónimder der kezinde satylyp, qala halqyn sapaly azyq-túlik ónimderimen qamtamasyz etýde.

Budan ári iri keshenderdiń tynysymen tanysý jumysy qalanyń Jibek Joly kóshesi boıynda ornalasqan «Rahat-Shymkent» JShS kondıter ónimderin óndiretin nysanmen jalǵasty.

Bul kondıterlik fabrıkada 80 adam turaqty jumyspen qamtylǵan. Olar jylyna 3,5 myń tonna marmelad ónimin shyǵarady. Al ónimderin qalamyz ben elimizdiń ózge óńirlerinen basqa О́zbekstan, Qyrǵyzstan, Reseı, Tájikstan, Ázerbaıjan jáne Qytaı memleketterine jóneltedi.

M.Dúısenbekulynyń óndiris oryndaryn aralaýy Abaı aýdany, Qyzyljar eldi mekeninde ornalasqan «Shymkent qus» JShS taýarly jumyrtqa jáne broıler etin óndirý baǵytyndaǵy qus fermasymen aıaqtaldy. Keshenniń ornalasqan jalpy aýmaǵy 57,7 ga quraıdy. Munda 320 adam turaqty jumys isteıdi. 

Bul fabrıkada 602,7 myń bas qus ósirilýde. Olar – jumyrtqalaǵysh mekıen taýyq (286 myń bas), jas balapan (154 myń bas) jáne broıler (123myń bas). Al jumyrtqalardy jınaý men sorttaý prosesteri jaıly aıtsaq, ol avtomattandyrylǵan júıe túrinde jumys isteıdi. Iаǵnı, qus fermasynyń jylyna 105 mln. dana  jumyrtqa jáne 2000 tonna broıler qus etin óndirýge qaýqary bar.

 

Shymkent 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar