Aımaqtar • 21 Mamyr, 2020

Bókeıordalyq kásipker aýyldastarynyń qaryzyn keshti

59 retkórsetildi

Batys Qazaqstan oblysy Bókeı ordasy aýdanynda turatyn Ázbek Muhıtov ramazan aıynda qaıyrymdylyq jasap, óziniń azyq-túlik dúkenine qaryzdar bolyp júrgen aýyldastarynyń qaryzyn keshti.

Bókeı ordasy aýdanynyń ortalyǵy Saıqyn aýylynyń turǵyny Ázbek Muhıtov «Barys» dúkenin 2011 jyly ashqan eken. Áýeli et satatyn dúken keıin keńeıip, azyq-túlik taýarlaryn satatyn saýda ornyna aınalǵan. Árıne aýyldyq jerde turǵyndar birin biri tanıdy, taýardy qaryzǵa berý, «jazdyryp alý» - úırenshikti jaǵdaı.

Ázbek áleýmettik jeliden sheshen kásipkerleriniń oraza aıynda osyndaı qaıyrymdylyq jasap jatqan isin kórip, taban astynda sheshim qabyldapty. Sóıtip aýyl dúkenindegi qaryz turǵyndar týraly jazylǵan dápterdiń paraqtaryn jyrtyp alyp, joıyp jiberedi. О́ziniń osy áreketin beınejazbaǵa túsirip, aýyldastarynyń whatsapp tobynda jarııalaǵan.

- Bul beınejazba jurtqa tarap ketedi dep oılamappyn. Maqtanǵandaı bolyp qaldym ba dep uıalyp otyrmyn, - deıdi aýyl kásipkeri.

Beınejazbadan Ázbek Muhıtov aýyldastarynyń jalpy kólemi 63 685 teńge qaryzyn keshirgenin kóremiz. Biraq kásipker «qaı turǵyn qansha qaryz edi, jalpy sany qansha adam?» degen saýaldarymyzǵa jaýap bere almady. Bar nıeti qasıetti aıda jaqsylyq jasaý bolǵan Ázbek ondaı usaq-túıekke mán bermese kerek. Áıteýir «qaryz dápterdegi» jazbalar sonaý 2017 jyldan bastap qaǵazǵa túsken eken. 

Ázbektiń osy jeke dúkeninen bólek, 2-3 jyl buryn memleketten nesıe alyp, ósirip otyrǵan azyn-aýlaq mal sharýashylyǵy bar. Aýyl dúkenine buryn azyq-túlikti irgedegi Reseı qalalarynan alatyn bolsa, karantın bastalyp, shekara jabylǵaly 600 shaqyrym jerdegi Oral qalasynan tasıdy. Iаǵnı sharýasy shalqyp otyrǵan kásipker deýge kelmeıdi. Biraq jomarttyq adamnyń baılyǵyna qaramaıdy ǵoı. Qasıetti aıda qaıyrymdylyq kórsetken Ázbektiń osy áreketine rıza bolyp, arnaıy izdep kelip te, telefon arqyly da alǵys aıtyp jatqan aýyldastary az emes eken.

 

Batys Qazaqstan

Sońǵy jańalyqtar

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Kooperatıv kópke kerek

Aımaqtar • Búgin, 10:39

Uqsas jańalyqtar