Sońǵy derek boıynsha, Qostanaı oblysynda búginge deıin COVID-19 vırýsyn juqtyrǵan 112 adam tirkelip, 50 adam saýyǵyp shyqqan. Qaterli indetten 2 adam kóz jumǵan.
Shtab otyrysynda oblys aýmaǵynda karantındik is-sharalardy jeńildetýdiń 4-shi kezeńin engizý týraly sheshim qabyldandy. Alaıda epıdemıologııalyq ahýalǵa baılanysty bul sheshimder ózgerip ketýi múmkin.
Jedel shtab saýda oryndary men ózge de qoǵamdyq mekemelerdiń jumys isteý tártibin naqtylady. Sonymen 25 mamyrdan bastap:
- Aýmaǵy 2000 sharshy metrden asatyn iri saýda oryndary men dúkenderdiń jumysy jandanady. Biraq bul nysandardaǵy fýd-kort, kınoteatr, oıyn-saýyq nysandary jumys istemeıdi;
- Mektepke deıingi tárbıe berý uıymdary - damytý, bilim berý ortalyqtary, úıirmeler, fakýltatıvter jumys isteı bastaıdy;
- Qoǵamdyq tamaqtandyrý nysandary saǵat 7-00-den 22-00-ge deıin jumys isteıtin bolady. Bir eskeretin jaıt, munda tamaq ústelderiniń arasy 2 metrden kem bolmaýy kerek jáne tamaqtanýshylar sany 30 adamnan asyp ketpeýi tıis. Banket, úılený toıy, mereıtoı, ataýly merekelik keshter, sondaı-aq mektep túlekteriniń basqosýy sııaqty is-sharalaryn ótkizýge ruqsat joq.
- Massaj salondary;
- Kitaphanalar, mádenı nysandar (30 adamǵa deıin);
- sport nysandary men arnaıy jattyǵý jasaý oryndary (30 adamǵa deıin);
- Qonaq úıler ( mundaǵy basseınder, jattyǵý zaldary, bılıard, kınozaldar, májilishanalar jumys istemeıdi).
Sondaı-aq, óńirlik jedel shtab sheshimimen aımaqta epıdemıologııalyq ahýal jaqsarǵanǵa deıin mynadaı nysandar jumysyn toqtata turady jáne keıbir shekteýler saqtalyp qalady:
- Vokzaldar, avtostansııalar;
- Eldi mekender arasyndaǵy qarym-qatynas;
- Turǵyndarǵa saǵat 22-00-den 6-00-ge deıin mekenjaıynan shyǵýǵa tyıym salynady;
- Kórmelerdiń, kınoteatrlardyń, teatrlardyń, oıyn alańdary (aýlalardy qospaǵanda);
- Túngi klýbtar, fıtnes, býkmekerlik keńseler, kompıýterlik jáne oıyn klýbtary, kalıan, bılıard, boýlıng ortalyqtary, karaoke;
- Sanatorııler, profılaktorııler jáne demalys oryndary;
- Akvaparkter, basseınder, tatý-salondar;
- Bir mezgilde 20-dan astam adam jýynatyn monshalar men saýnalar;
- Dinı nysandar.
Jıyn barysynda oblys ákimi turǵyndardy Oraza aıt merekesin otbasynda, týǵan-týystarynyń ortasynda ótkizýge shaqyrdy.
Sonymen qatar shtab otyrysynda oblystyń bas sanıtarlyq dárigeriniń qaýlysynan memlekettik organdar men uıym qyzmetkerleriniń 50%-y qashyqtan jumys isteýi tıis degen tarmaq alynyp tastaldy.
Qostanaı oblysy
