Onda Murat Dúısenbekuly kásiporyn jumysshylarymen kezdesip, fabrıkanyń qala ónerkásibin damytýda aıryqsha úlesi bar ekenin atap ótti.
Jańa jeliniń ashylýy ótken jyldyń sáýir aıynda qol qoıylǵan Shymkent qalasy ákimdigi men «Rahat-Shymkent» JShS arasyndaǵy seriktestik memorandýmy nátıjesinde iske asyrylǵan.
Bul joba barysynda Qazaqstandaǵy úshinshi megapolıstiń óndiristik áleýetine 1,8 mıllıard teńge ınvestısııa tartylǵan. Sonymen qosa, joba memleket tarapynan qoldaý taýyp, 90 mıllıon teńge sýbsıdııa tólengen. Jańa jeliniń ashylýynyń arqasynda 80 azamat jumyspen qamtamasyz etiledi. Bul fabrıka bir saǵat ishinde 1 tonna, bir jylda 3,5 myń tonna marmelad shyǵaratyn bolady.
Fabrıka zamanaýı quraldarmen jabdyqtalǵan. Búginde 30 atalym boıynsha 6 ónimniń túri óndiriledi. 2019 jylǵy kórsetkish boıynsha fabrıkada 20 myń tonna ónim shyǵarylǵan.
