- Iri kólemdegi aýyr júk kólikterin tizgindeý ońaı emes. Oǵan qosa tájirıbelik sabaqtar úshin kúrdeli jaǵdaılar jasaldy: «gabarıtti tonnel», «gabarıtti «segizdik», «tuıyq estakada», «gabarıtti aýla», «jasyrý», «ıreleń jol», «shekteýli qısyq», «platforma» sekildi ártúrli kedergiler qoıylǵan. Sonyń nátıjesinde kýrsanttar áskerı avtomobıl tehnıkasyn júrgizý boıynsha óz daǵdylaryn jetildiredi, - dedi jalpyáskerı pánder kafedrasynyń oqytýshysy podpolkovnık Talǵat Anefııaev.
REjBÁII baspasóz qyzmetiniń málimeti boıynsha, avtomobılderdiń qozǵalys baǵyty boıynda jol belgileri ornatylyp, temirjol ótkeli jabdyqtaldy. Qozǵalys barysynda túrli jol jaǵdaılary oryn alady: jolda kútpegen kedergilerdiń paıda bolýy, avtomobıldiń aldyńǵy áınegine sý shashý sııaqty jáne t.b.
Oǵan qosa kýrsanttar jol qozǵalysy erejeleri boıynsha bilimderin jetildirip, dóńgelekti mashınalardy praktıkalyq júrgizýdi uıymdastyrý jáne júrgizý ádistemesin úırenedi.
Kýrsanttardyń aıtýynsha, syrt kózge mundaı tehnıkany júrgizý ońaı kóringenimen, onyń óz erekshelikteri men qıyndyqtary jeterlik. Aýyr kólikti júrgizýshi ǵana onyń gabarıtin, burylý radıýsyn eskerý kerektigin basty nazarda ustaıdy. Kýrsanttardyń osy sabaqtarda alǵan bilimi, sheberligi men daǵdylary keleshekte áskerı avtomobıl tehnıkasy qarý-jaraq pen áskerı tehnıkany montajdaý jáne materıaldyq quraldar men jeke quramdy tasymaldaý úshin qajet.
