Eresekterdiń balalardy sý aıdyndarynda qaraýsyz qaldyrýy da qaıǵyly oqıǵalardyń basty sebebi bolyp otyr.
«О́tken jyly 46 oqıǵa tirkelip, nátıjesinde 48 adam qaıtys boldy, olardyń 18-i balalar. Taldaý kórsetkendeı, barlyq jazataıym oqıǵalar qutqarýshylarmen kúzetilmeıtin jerlerde oryn alǵan. Oblysta resmı túrde tirkelgen 110 demalys orny bar. Ol jerlerde qutqarýshylar qarastyrylǵan. Sonymen qatar sý aıdyndarynda turǵyndardyń qaýipsizdigin qamtamasyz etý úshin sýda júzýge tyıym salynǵan 268 belgi, 49 qaýipsizdik erejeleri kórsetilgen jarnamalyq bılbordtar ornatyldy. 12 demalys aımaǵynyń ıeleri memorandýmǵa qol qoıdy», – dedi Oraz Sheralyuly.
Sondaı-aq departament ókili óńirde bıik úılerdiń terezelerinen qulap túsken balalar sany kóbeıe túskenin aıtty. Máselen, oblysta ótken jyly 3 oqıǵa tirkelgen, 8 jáne 4 jasar balalardyń terezeden qulaýy saldarynan jaraqat alýy oryn alǵan. Al 1 jasar bala oqıǵa ornynda mert bolǵan.
