Baspa úıiniń basym baǵyttary

Nazarbaev Ortalyǵynyń janynan shilde aıynda ashylǵan Baspa úıinde Redaksııalyq keńestiń alǵashqy otyrysy ótti.

Nazarbaev Ortalyǵynyń janynan shilde aıynda ashylǵan Baspa úıinde Redaksııalyq keńestiń alǵashqy otyrysy ótti.

Prezıdent Keńsesiniń bastyǵy «Nazarbaev Ortalyǵy» MM dırek­torynyń mindetin ýaqytsha atqa­rýshy Mahmud Qasymbekov atap kór­set­kendeı, Qazaqstan Res­pýblı­ka­syndaǵy prezıdenttik ıns­tıtýtqa, mem­lekettiliktiń qalyp­tasýy men damý tarıhyna, sondaı-aq saıası-qo­ǵam­dyq, áleýmettik-mádenı másele­lerge arnalǵan basylymdardy júıe­leý jáne jaryqqa shyǵarý Baspa úıi­niń negizgi maqsattarynyń biri bolyp tabylady.

Baspa úıi táýelsiz Qazaqstannyń tarıhy men mádenıetin zert­teýshiler úshin biryńǵaı aqpa­rattyq keńistik pen kásibı orta qa­lyptastyrady. Osy­ǵan oraı otyrysta Baspa úıi­niń saıasaty men strategııasyn jan-jaqty ashyp kór­setetin Ereje tal­qylanyp, Baspa úıi qyzmetiniń maqsaty men mindeti jáne baǵyty kún tártibine qoıyldy. Pikir almasý kezinde jetekshi ǵalymdar men talantty jastardyń jáne elimizdiń tarıhy men mádenıetine qyzyǵýshylyq tanytatyn adamdardyń ǵylymı kúshin biriktirý úshin jańa alań qurý qajettigi aıtyldy.

Basqosý barysynda Baspa úıiniń Redaksııalyq keńes músheleri bekitildi. Onyń quramyna qoǵam jáne memleket qaıratkeri Myrzataı Joldasbekov, L.N.Gýmılev atyndaǵy EUÝ rektory Erlan Sydyqov, «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, S.Seıfýllın murajaıynyń dırektory Nesipbek Aıtuly, Qazaq radıosynyń dırektory Mahat Sadyq jáne basqalar kirdi.

«Egemen-aqparat».