Keshe Ystambulda Qazaqstan Respýblıkasynyń Qorǵanys mınıstri Ádilbek Jaqsybekov Túrkııa Áskerı-teńiz kúshterine jańa keme tapsyrý saltanatty rásimi barysynda osy eldiń Premer-Mınıstri Redjep Erdoǵanmen kezdesti. Keme eldiń jaǵalaý mańy aýmaqtyq sýlarynyń patrýldik qyzmetine arnalǵan.
Keshe Ystambulda Qazaqstan Respýblıkasynyń Qorǵanys mınıstri Ádilbek Jaqsybekov Túrkııa Áskerı-teńiz kúshterine jańa keme tapsyrý saltanatty rásimi barysynda osy eldiń Premer-Mınıstri Redjep Erdoǵanmen kezdesti. Keme eldiń jaǵalaý mańy aýmaqtyq sýlarynyń patrýldik qyzmetine arnalǵan.
Ádilbek Jaqsybekov Túrkııa Premer-Mınıstri Redjep Erdoǵandy saltanatty rásimmen quttyqtap, jyly qabyldaýyna alǵysyn bildirdi. Qazaqstan qorǵanys vedomstvosynyń basshysy osy apta basynda Ankarada Túrkııanyń joǵary áskerı basshylyǵymen bolǵan kezdesýler men túrik áskeriniń jaýyngerlik daıyndyǵy jáne qorǵanys-ónerkásibi keshenimen tanysý sharalary ekijaqty áskerı yntymaqtastyqty belsendi ete túsýge aıtarlyqtaı qarqyn beretinin atap ótti.
Qazaqstan Qorǵanys mınıstri: «Búgingi kemeni sýǵa túsirý sharasy Soltústikatlantıka alıansy elderi arasynda Túrkııa áskeriniń eń jetildirilgen jáne tıimdi armııa ekenin taǵy bir dáleldeıdi. Qazaqstan Respýblıkasynyń Qorǵanys mınıstrligi Túrkııanyń qorǵanys vedomstvosy jáne Qarýly Kúshterimen aradaǵy yntymaqtastyqty ónimdi damytýǵa úlken mańyz beredi», – dep atap ótti.
Ádilbek Jaqsybekov pen Redjep Erdoǵan áskerı saladaǵy qazaq-túrik ózara is-qımyldary eki el memleket basshylary qol jetkizgen ózara tıimdi yntymaqtastyq sheńberinde odan ári de jemisti damı beretinine senim bildirdi.
