Bilim • 21 Mamyr, 2020

Pandemııa kezinde attestat tapsyrý rásimi qalaı ótkiziledi?

826 retkórsetildi

Bıyl qaýipti indettiń taralýyna jol bermeý maqsatynda mektep túlekteri úshin sońǵy qońyraý soǵylmaıdy. Biraq attestattardy tapsyrý rásimi ótkiziledi. Onyń ýaqyty da jyldaǵydan ózgertilip, maýsymnyń 3-4 kúnderine belgilendi. Al pandemııa kezinde attestat tapsyrý rásimi qalaı ótkiziledi?

Bilim jáne ǵylym mınıstrligi osyǵan oraı arnaıy «Birgemiz: TÚLEK-2020» atty mektep bitirý is-sharalaryn ótkizýdiń tujyrymdamasyn ázirledi. Atalǵan tujyrymdamaǵa sáıkes is-shara mektep aýmaǵynda, ashyq alańda ótkiziledi. Shara ár synyp úshin bólek uıymdastyrylýy qajet. Al ár synyp rásiminiń ýaqyt aralyǵy 20 mınýttan kem bolmaǵany jón. Túlekter attestat tapsyrý sharasyna mektep formasynda qatysýy qajet. Rásimge árbir túlekpen 1 nemese 2 ata-ana ǵana qatysa alady, odan kóp bolmaýy kerek. Sonymen qatar sanıtarlyq talaptar men adamdar arasyndaǵy araqashyqtyq saqtalyp, sharaǵa qatysýshylardyń barlyǵy maska taǵýy tıis.

Budan bólek jaýapty vedomstvo mektep bitirý is-sharalaryn ótkizýdiń tujyrymdamasynda jol berilmeıtin jaǵdaılar da anyq kórsetilgen. Tujyrymdamada belgilengen talaptarǵa saı mektep nemese pedagogterge syılyq alý úshin aqsha jınaýǵa; ıvent-agenttikterdi, ıaǵnı merekelik sharalardyń uıymdastyrýshylaryn tartyp, anımatorlardy shaqyrýǵa; merekelik dastarhan jasap, saltanatty túrde ótkizýge; avtokólikterdi jalǵa alyp, qala ishinde ekskýrsııa (sherý) jasaýǵa; meıramhana, dámhana jáne kóńil kóterý oryndarynda otyrys uıymdastyrýǵa bolmaıdy.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar