Semınar jumysyn ýnıversıtet rektory Takır Balyqbaev ashyp, bilim ordasynda syıbalys jemqorlyqpen kúres baǵytynda atqarylyp jatqan aýqymdy jumystarǵa toqtaldy. Rektor óz sózinde «Sybaılas jemqorlyqtyń aldyn alý jáne boldyrmaý jumystaryn kúsheıtý maqsatynda ýnıversıtette Jemqorlyqqa qarsy kúres keńesi qurylyp, sybaılas jemqorlyqqa qarsy is-qımyl saıasatynyń Tujyrymdamasy qabyldandy. Keńestiń Erejesi, Jol kartasy, Standarty bekitildi. Qazirgi kúni Keńes janynda úsh komıssııasy jumys jasaýda, delingen ýnıversıtettiń baspasóz qyzmetiniń málimetinde.
Ýnıversıtette 2019 jyldyń 7 qazanynda «Parasat» ortalyǵy ashylǵany belgili. Sonymen qatar, ISO 37001-2016 halyqaralyq standartynyń sapa menedjmenti júıesi engizildi. Ashyq ýnıversıtet platformasyn qurý maqsatynda «Rektor blogy» úzdiksiz jumys jasaıdy. Qashyqtyqtan oqytý úderisi barysynda kóktemgi emtıhan-sessııanyń tıimdi júrgizilýin qamtamasyz etý úshin onlaın-test, «OES» proktorıng júıesi, G-Suit bulttyq servısi men «Hangouts Meet» beınekonferensııa platformasy qoldanysqa engizildi», – dep atap kórsetip, jastar arasynda adal jáne parasatty ortany qalyptastyrý maqsatynda atqarylyp jatqan sharalarǵa toqtalyp ótti.
Semınardyń basty spıkeri, Respýblıkalyq «Sanaly urpaq» jobalyq keńsesiniń jetekshisi Qaıyrjan Tokýshev «Profılaktıka korrýpsıı: problemy ı pýtı reshenııa» taqyrybyndaǵy baıandamasyn qatysýshylar nazaryna usynyp, bilim berý júıesinde sybaılas jemqorlyqtyń aldyn alý tetikteri men joldaryn aıqyndap berdi. Spıker bilim berý salasyndaǵy jemqorlyqty joıý jáne sybaılas jemqorlyq kórinisterine tózbeıtin ortany qalyptastyrý boıynsha birqatar tásilderdi usyndy. Bilim ordamyzda jemqorlyqtyń aldyn alý baǵytynda atqarylyp jatqana mazmundy sharalarǵa erekshe toqtalyp, ýnıversıtet tájirıbesin elimizdiń JOO engizý qajettigin aıtty.
Shara qatysýshylary: ýnıversıtettiń birinshi prorektory Maqtaǵalı Bektemesov, tárbıe jumysy jáne áleýmettik damý jónindegi prorektor Janatbek Ishpekbaev, «Parasat» ortalyǵynyń dırektory Qambar Ýsıpov sybaılas jemqorlyqpen kúrestiń quqyqtyq negizderin sıpattap, bilim berý salasynda jemqorlyq táýekelderin tómendetý, jastardyń boıynda jemqorlyqqa qarsy mádenıetti qalyptastyrý boıynsha óz oılaryn ortaǵa saldy.
Sóz kezegin alǵan Sorbonna-Qazaqstan ınstıtýtynyń dırektory, «Izgilik elshisi» eriktiler jobasynyń basty úılestirýshisi Aınýr Sabıtova ýnıversıtet qabyrǵasynan bastaý alyp, qazirgi kúni elimizdiń 17 óńirinde qanat jaıǵan «Izgilik elshisi» jobasynyń parasatty qoǵamdy qalyptastyrý jolyndaǵy aýqymdy jumystaryn tilge tıek etti.
Shara qonaǵy Almaty qalasy Stýdentter Alıansynyń tóraǵasy Jasulan Qýandyq jemqorlyq pen quqyqbuzýshylyqqa qarsy nóldik tózimdilikti qalyptastyrý baǵytynda qala jastarymen atqarylyp jatqan jumystarǵa toqtalyp ótti.
«Mansap» ortalyǵynyń basshysy Raqymberdi Jetibaı bitirýshi túlekterdi jumysqa ornalastyrýdyń ońtaıly tásilderin usynyp, kómekshi qural retinde «Mansap» mobıldik qosymshasymen tanystyryp ótti.
Ýnıversıtet jastary atynan pikir bildirgen fılologııa jáne kóptildi bilim berý ınstıtýtynyń 1 kýrs stýdenti Tahaeva Aısana jemqorlyqpen kúres jumysyna óz úlesin qosatyndyǵyna senim bildirip, barsha jastardy akademııalyq adaldyq prınsıpterin ustanýǵa shaqyrdy.
Ýnıversıtettiń Jastar isi jónindegi komıtet tóraǵasy, shara moderatory Dildabek Dıdarbek jastardyń sybaılas jemqorlyq kórinisterine jáne sybaılas jemqorlyqqa qatysty quqyq buzýshylyqtarǵa barynsha qarsy turyp, adal jáne taza qoǵamdy qalyptastyrýǵa ózindik úlesterin qosý qajettigin aıtyp, semınar jumysyn qorytyndylady.
