Qoǵam • 21 Mamyr, 2020

Almatyda taǵy 57 adam koronavırýs juqtyrǵan

91 retkórsetildi

Búgin, 21 mamyrdaǵy Almatydaǵy epıdemıologııalyq jaǵdaıǵa keletin bolsaq, Covid-19 vırýsyn juqtyrǵan jańa 57 jaǵdaı tirkeldi. Onyń tórteýi ózdiginen tekserilýge júgingen adamdar.

Profılaktıkalyq tekserý kezinde 14 adamnan indet anyqtalsa, qalǵandary karantındegiler. Bularmen jaqyn baılanysta bolǵan barlyq azamattar oqshaýlandyryldy.

Jalpy, megapolıste pandemııa bastalǵaly beri vırýsy rastalǵan 1966 jaǵdaı tirkeldi. Qazirgi ýaqytta qalalyq juqpaly aýrýlar stasıonarynda koronavırýstyq ınfeksııadan 864 naýqas emdelip jatyr. Sonyń ishinde 30 bala bar.

Eki naýqastyń jaǵdaıy – óte aýyr, 22 adamda – aýyr, 240 naýqasta aýyrlyqtyń ortasha dárejesi, al qalǵandarynyń densaýlyǵy qanaǵattanarlyq.

Búginde provızorlyq gospıtalda 196 adam bar. Budan ózge 266 adam karantındik oqshaýlaýda jáne 13 299 azamat úı karantıninde jatyr.

Burnaǵy kúni 55 adam qaýipti indetten jazylyp shyqty. Onyń ishinde 28 adam – medısına qyzmetkeri, 1,5 jas pen 16 jasqa deıingi 10 bala, 1947, 1949 jáne 1952 jyldary týǵan úsh zeınetker jáne qalǵandary orta jastaǵy azamattar.

Jalpy, megapolıste pandemııa bastalǵaly beri qaýipti indetten 1092 naýqas saýyǵyp shyqty,  bul 56%-dy quraıdy.

​«Degenmen, qalada karantın rejımi áli jalǵasýda. Megapolıs turǵyndaryna, ásirese, jótel, murynnan sý aǵý nemese basqa da aýrý sımptomdary bolǵan jaǵdaıda barlyq qaýipsizdik sharalaryn ustaný kerektigin eskertemiz. Atap aıtqanda, betperde kıip, múmkindiginshe halyq kóp jınalatyn oryndarǵa barmaýǵa, qoldy jıi jýyp, adamdardan ózderin kem degende 2 metr qashyqtyqta ustaý kerektigin ótinip suraımyz. Bul usynystardy oryndaı otyryp, siz aýrýdyń taralý qaýipin tómendetesiz. Eger sizde dene qyzýy kóterilip, jótel paıda bolsa, tynys alý qıyndaı tússe, medısınalyq kómekke júginip, jedel járdem shaqyrǵanyńyz abzal», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar