Aımaqtar • 21 Mamyr, 2020

Maqtaaraldaǵy sýdan qurǵatylǵan aýyldar kúl-qoqystan tazartylýda

200 ret

kórsetildi

1 mın

oqý úshin

Maqtaaral aýdanyndaǵy sý basqan eldi mekenderdiń barlyǵy sýdan tazartyldy. Az ýaqyt ishinde Sardoba sýyn aryq-atyzdar men kollektorlarǵa buryp, turǵyndardyń qalypty ómirge oralýyna jaǵdaı jasaldy. Endi zardap shekken 5 aýylda sanıtarlyq tazalyq jumystary júrgizilýde. Bul oraıda ár aýdan ózine bólingen eldi meken aýmaǵyna jaýapty.

Ǵalymjan ELShIBAI

Maqtaaraldaǵy sýdan qurǵatylǵan aýyldar kúl-qoqystan tazartylýda

Mysaly, Saryaǵash aýdanyna bekitilgen Jańaturmys aýylynda jalpy 4 arnaıy tehnıka men 30 qyzmetker jumyldyrylǵan. Olar aýyl kóshelerindegi tasqynnan jınalǵan kúl-qoqystar men turmystyq qaldyqtardy syrtqa shyǵarýda. Tazalyq jumystaryna aýyl turǵyndary da belsene atsalysýda. Sondaı-aq Dostyq eldi mekenindegi tazalyq jumystaryna Saryaǵash aýdanynan 3 arnaıy tehnıka, 20 qyzmetker jumyldyrylǵan.

Al, Keles aýdanyna bekitilgen Fırdoýsı eldi mekeninde 170 -ten asa úı arnaıy saraptamadan ótip, buzý jumystary jalǵasýda. Qazirgi tańda atalǵan eldi mekendegi Nurdala kóshesinde 14 úı buzylyp, 4 úıdiń alańy tazartylǵan. Ár úıden orta eseppen táýligine 20-25 tonna qoqys shyǵarylýda. Dál osyndaı jumystar О́rgebas pen Jeńis aýyldarynda da atqarylýda. Bul aımaqtardaǵy tazalyq jumystaryna Jetisaı men Shardara aýdandary jaýapty.