Aımaqtar • 21 Mamyr, 2020

Baqytjan Saǵyntaev: Almatylyq óndirýshilerdi qoldaý mańyzdy

14 retkórsetildi

Qala ákimi Baqytjan Saǵyntaev jumys sapary barysynda qalanyń ónerkásiptik óndirisi kóleminiń tórtten bir bóligin qamtamasyz etetin, ıaǵnı, negizgi kásiporyndar shoǵyrlanǵan Jetisý aýdanynyń ındýstrııalyq áleýetin baǵalady.

Baqytjan Saǵyntaev qaǵazdan gıgıenalyq ónim óndiretin «Papirone» jańa zaýytyn, «Free style» jıhaz óndiretin sehty, sondaı-aq, «Bıznestiń jol kartasy» baǵdarlamasy aıasynda iske asyrylǵan, nemis tehnologııasymen brýschatka shyǵaratyn jáne asfalt óndiretin «Almaty jol-qurylys kompanııasy» JShS zaýytyna bardy.

Máselen, osy jyldyń basynda paıdalanýǵa berilgen «Papirone» JShS zamanaýı zaýyty qaǵazdan 1 800 tonna gıgıenalyq ónim óndiretin bolady. Qoldanylatyn tehnologııalar men óndiristi avtomattandyrýdyń arqasynda ónim álemdik sapa standarttaryna sáıkes keledi. Joba aıasynda 113 jumys orny ashyldy.

Baqytjan Saǵyntaev «Freestyle» JShS jıhaz óndirý zaýytynda «qarapaıym zattar ekonomıkasy» salalarynyń damýymen tanysty. Kásiporynda 150 adam jumys isteıdi, zaýyt jyl saıyn 537 mln. teńgeniń ónimin shyǵarady. О́ndiriste ekologııalyq taza jáne qaýipsiz materıaldar qoldanylady. Budan basqa, osy kásiporynnyń aınalasynda jıhaz klasteri quryldy.

Jumys sapary barysyndaǵy kelesi nysan – «Almaty jol-qurylys kompanııasy» JShS nemis tehnologııasy boıynsha asfalt jáne brýschatka óndiretin zaýyt boldy. О́tken jyly «Bıznestiń jol kartasy» qatysýshylaryna kórsetiletin qoldaý sharalary aıasynda asfaltbetondy qospalar, jol jáne qabyrǵa bloktary óndirisi iske qosylǵan bolatyn. Atalmysh kásiporyn joǵary sapaly básekege qabiletti ónim shyǵarýǵa múmkindik beretin ozyq tehnologııalarmen jabdyqtalǵan.

Shahar basshysy Baqytjan Saǵyntaev almatylyq óndirýshilerdi qoldaýdyń mańyzdylyǵyn atap ótti. Qalada joldardy, jaıaý júrginshiler jáne saıabaq aımaqtaryn jóndeý boıynsha aýqymdy jumystar júrgizilýde. Jergilikti ónimdi paıdalaný – sapany baqylaýǵa jáne tasymaldaý shyǵyndaryn qysqartýǵa múmkindik beredi.

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar