Turǵyndarǵa Ertis ózenine sýǵa shomylýǵa erte ekendigi týraly birneshe ret eskertilgen. Sýǵa shomylý maýsymy ashylǵanǵa deıin eki oqıǵa oryn alǵan.
-Oblys ortalyǵynda 17 mamyr kúni saǵat 10:55-te ortalyq jaǵajaıda sýǵa túsý kezinde 1964 er adam sýǵa batyp ketkeni týraly habar kelip tústi. Oqıǵa ornynda bolǵan adamdar sýǵa batyp ketken adamdy jaǵaǵa shyǵaryp, jedel járdem men polısııa qyzmetkerlerin shaqyrǵan.
Sonymen qatar 17 mamyr kúni saǵat 18.20-da Ertis aýdany turǵynynan sýǵa batqan adamdy kórgeni týraly telefon habarlamasy kelip tústi. Oqıǵa ornyna jetken qutqarýshylar er adam Ertis ózeniniń sý basqan alqabynda shomylǵandyǵyn anyqtaǵan.
Oqıǵa ornyna arnaıy oblys ortalyǵynan attandyrylǵan súńgýirler toby er adamnyń máıitin ekinshi kúni sýdan alyp shyqty. Sýǵa batyp ketken er adam 1975 jyly týǵan Ertis aýylynyń turǵyny bolyp shyqty.
Samat Asaıynov oblys turǵyndaryna tyıym salynǵan jerlerde jáne mas kúıinde shomylatyn adamdar densaýlyqtaryna zııan keltirýi múmkin ekendigin eskertti.
Qazir Shúlbi sý qoımasynan tabıǵatty qorǵaý maqsatynda sý jiberý toqtaǵanymen, Ertis ózeni áli de bolsa arnasyna túsken joq.
Sonymen qatar, arnaıy shomylý maýsymy barlyq kommýnaldyq jáne jeke jaǵajaılar shomylýǵa daıyn bolǵanda ǵana bastalatynyn atap ótti.
