Jaıaý júrginshiler aımaǵyn abattandyrý júrgizilip jatqan nysandardyń birine barǵan kezinde aýdan turǵyndary qala ákimine ınfraqurylymdy jaqsartý boıynsha óz tilekterin bildirdi. Alaıda olardyń keıbiri medısınalyq maskasyz boldy.
Baqytjan Saǵyntaev qalada koronavırýs boıynsha karantın áli alynbaǵanyn, juqtyrý qaýpi bar ekendigin eske saldy.
«Medısınalyq maskalardy kııý kerek, sonymen qatar kóshede, dúkende nemese dárihanada áleýmettik qashyqtyqty saqtaý qajet. Sizdiń ózińizdiń jáne jaqyndaryńyzdyń saýlyǵy osyǵan baılanysty. Sondyqtan jaýapkershilik tanytý kerek», - dedi B.Saǵyntaev qala turǵyndaryna.
Jumys sapary barysynda qala ákimi jóndeý júrgizilip jatqan balabaqshany aralap kórdi. Ol balabaqsha áli ashylmaı turyp balalardyń sanıtarlyq qaýipsizdigin qamtamasyz etý algorıtmin daıyndaýdy tapsyrdy.
«Biz balalardy aýrý qaýpinen saqtaýymyz kerek», - dep atap ótti Almaty ákimi.
Qaqpadan bastap jatyn bólmelerine deıin barlyǵyn qarastyrý qajet. Ata-analar men balalar áleýmettik qashyqtyqty, ústelderdi, kereýetterdi de qaýipsiz qashyqtyqta saqtaýy tıis. Kireberister dezınfeksııalanyp, termometrııa qamtamasyz etilýi kerek.
