Rýhanııat • 22 Mamyr, 2020

Aqtóbelikter kómegi

21 ret kórsetildi

Aqtóbe oblysynyń «Júrekten – júrekke» qaıy­rym­dylyq tobynyń múshesi Álisher Sadyqtyń sózine qaraǵanda, Maqtaaralǵa kómekke kelgen aqtóbelik vo­lonterlerdiń jumysy úlgi alarlyqtaı.

– «Júrekten – júrekke» qa­ıy­­rymdylyq tobynyń quryl­ǵa­nyna 5 jyl boldy. Basynda 17 adammen óńirdegi muqtaj ot­ba­sy­larǵa kómektesetinbiz. Búginde qatarymyzda 120-ǵa jýyq adam bar. Buǵan deıin Qaraǵandy oblysynda sý tasqyny, Arysta jarylys bolǵanda aqtóbelikterdiń atynan kómektestik. Aqtó­be­de de sý tasqyny bolyp, qoly­myz­dan kelgenshe járdem ber­dik. Maqtaaraldaǵy aǵaıynnyń jaǵ­da­ıyn estigende de kómektesýdi min­detimiz dep sanap, jolǵa qamdandyq. Oblys boıynsha túrli aksııalar jarııalap, kıim-keshek, qarajat, azyq-túlik jınaýdy bastap kettik. О́ńirdegi júk mashınalary bar azamattar ortalyq meshittiń aldyna jınalyp, turǵyndar ákelgen kómek qoryn sonda tıedik, – deıdi Á.Sadyq.

Onyń aıtýynsha, Aqtóbe qalasynan – 22, Aral qalasynan 3 júk kóligi jol­ǵa shyqqan. Olar 2 kún júrip, 3-shi kúni dittegen jer­le­ri­ne jetken.

– Ondaǵy halyqtyń jaǵ­da­ıyn kózimizben kórip, qoly­myz­dan kelgenshe qolǵabys etýge tyrystyq. Toptyń tórt múshesi zattardy qoımaǵa tasýǵa járdemdesip, aýyldardy aralap, ondaǵy eńbekke aralastyq. Aqtóbe oblysynan 3 mln teńgege jýyq, Alǵa aýdanynan 2,5 mln teńgege jýyq aqsha jınaldy. Odan bólek, qaıyrymdylyq toby 500 myń teńge jınaı aldy. Barlyq aqsha ımamdarǵa tapsyryldy, – deıdi aqtóbelik volonter.

Sońǵy jańalyqtar

Tilsiz jaý úsh adamnyń ómirin jalmady

Aımaqtar • Búgin, 13:46

12 tamyzǵa arnalǵan aýa raıy boljamy

Ekologııa • Búgin, 10:05

Jambyldyq tártip saqshylary donor boldy

Aımaqtar • Búgin, 09:30

Dollar baǵamy turaqtalyp keledi

Ekonomıka • Búgin, 09:10

Uqsas jańalyqtar