Rýhanııat • 22 Mamyr, 2020

Zaǵıp jandarǵa kitap oqyp berdi

25 retkórsetildi

Jambyl oblystyq kózi kórmeıtin jáne álsiz kóretin azamattar kitaphanasy kóz nurynan aıyrylǵan adamdar úshin tek ómir áınegi men bilim bulaǵy ǵana emes, qarym-qatynas ortalyǵy. Kitaphanada ınternetke qosylǵan arnaıy kompıýterler, núkteli-bederli qarippen basyp shyǵaratyn prınter, sóıleıtin kitap, DAISY sandyq negizde dybystandyrylǵan aqparat júıesindegi tıflologııa kabıneti, zaǵıptardyń jazýǵa arnalǵan quraldarymen jabdyqtalǵan. Zaǵıp jandar osyndaı dybystalǵan kitaptardyń kómegine júginedi. Sondaı-aq kóptegen kitap Lýı Braıldiń júıesi boıynsha bederli-núkte áripterimen daıyndalǵan. Zaǵıp jandar kitaptaǵy bederli núktelerdi saýsaq ushymen seziný arqyly oqıdy.

Dál qazirgi ýaqytta arnaýly kitaphana oqyrmandarǵa onlaın qyzmet kórsetip, kúndelikti ju­mys isteýde. Atalǵan kitap­hanada zaǵıp jandar men kózi nashar kóretin azamattardyń yń­ǵaıyna qaraı, kitap oqýǵa barlyq jaǵdaı qarastyrylǵan. Eń aldymen, kitaphananyń «Tıf­lologııa» bólimi zaǵıp oqyr­man­dardyń suranysy boıynsha kitaptardy bederli-núkte áripterimen basyp shyǵarýdy jolǵa qoıǵanyn aıtýǵa bolady. Osynyń nátıjesinde, jergilikti jazýshylardyń da kitaptary basyp shyǵarylyp, oqyrmandarǵa usynyldy. «Saýsaq ushyndaǵy álem» tıfloquraldar jáne «Bir el – bir kitap», «Bizdiń ól­keniń maqtanyshtary» at­ty kitap kórmesin onlaın tú­rinde beınejazba kórse­tildi. Sonymen qatar zaǵıp oqyr­mandarǵa abonomenttik qyzmet kór­setý bólimi Facebook, Instagram, YouTube arnasynda Qa­zaqstannyń eńbek sińirgen qaıratkeri, Prezıdenttik syı­lyqtyń laýreaty, satırık Kópen Ámirbektiń 70 jasqa tolýyna oraı «Kúlki jannyń shıpasy» atty ázil áńgime ótkizdi. Sharada múmkindigi shekteýli I top kóz múgedegi Nyshankúl Abdıshevaǵa Kópen Ámirbektiń «Kóp partııa» áńgimesi jáne II top kóz múgedegi Sársen Arystanbekke, III top kóz múgedegi Aman Baljanǵa bel­gili satırıktiń basqa da ázil áńgimeleri beınekamera arqyly oqyldy.

Abaıdyń 175 jyldyǵyna oraı jyldyń basy­nan ótkizilip kele jatqan is-sharalar endi qashyqtyq re­ji­minde jal­ǵasyn tabýda. Aldymen oqyr­mandarǵa onlaın túrinde Abaı­dyń kitap kórmesi nasıhattaldy. Kitap kórmesindegi dy­­bystandyrylǵan qara sózi men shyǵarmalary jáne be­der­li-núkteli qarpin­degi shy­ǵar­malary zaǵıp oqyr­mandarǵa usynyldy. Oblys kólemindegi kitaphanalarda ashylǵan bó­limder men oblystyq arnaý­ly kitaphana qory Lýı Braıl­diń júıesi boıynsha bederli-núkte áripterimen basyp shy­­­ǵarylǵan J.Jabaevtyń «Ha­­lyq meniń shyn atym», Sh.Mur­­tazanyń «Myń bulaq», B.Mo­myshulynyń «Ushqan uıa», M.Raıymbekulynyń «Ken­tavr», S.Tomanovtyń «Tyǵy­ryq», A.Kópjasarovanyń «Aıaý­­ly qazaq qyzdary», Sh.Ma­­ma­se­rikovanyń «О́leńim­niń ár joly ómirbaıan», Ú.Bı­tenovanyń «Úsharaldyń Úmiti», «Men súıgen jar», K.Sát­tibaıulynyń «Saı­qy­ma­zaq dúnıe», B.Bek­jannyń «Qus qana­tyndaǵy saǵynysh» atty kitap­tarymen tolyqty.

Sondaı-aq Dúnıejúzilik balalar kitaby kúnine oraı «Onlaın marafon» jobasy aıasynda onlaın vıktorınalyq suraqtar daıyndalyp, áleý­mettik jeliler arqyly usy­nyldy. Vıktorınalyq suraqtar kitap álemin, kıeli Taraz óńi­riniń tarıhyn qamtydy. Sondaı-aq Qazaqstannyń eńbek sińirgen sport sheberi, Sıdneıde ótken XXVII Olımpıada chempıony Bekzat Sattarhanovtyń ómiri men jetken jetistikteri týraly aqparatty daýystap oqyp, beınebaıan kórsetildi. Al Dú­nıejúzilik kitap kúnine oraı «Kitap sarqylmas rýhanı qa­zyna» taqyrybynda onlaın oqý ótkizildi.

 

Nurjahan KERIMBAEVA,

Jambyl oblystyq kózi kórmeıtin jáne álsiz kóretin azamattar kitaphanasynyń zaǵıp oqyrmandarǵa abonementtik qyzmet kórsetý bóliminiń sektor jetekshisi

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Uqsas jańalyqtar