«Men úshin bul mańyzdy shara bolyp tabylady. Sebebi mundaı sabaqtardyń nátıjesi boıynsha jaýyngerlik bilimdi baǵalaýǵa bolady. Shtattyq snarıadpen oq atqan adamdy tolyqtaı tankıst dep ataýǵa bolady dep beker aıtpaıdy ǵoı», deıdi tórtinshi kýrs kýrsanty Dáýitbaı Zamanbek.
Tankten shtattyq artıllerııalyq oq atý jattyǵýlary kýrsanttardyń jınaǵan teorııalyq bilimderiniń sapasyn ǵana emes, kýrsanttardyń aǵymdaǵy jáne bitirý emtıhandary qarsańynda daıarlyǵynyń jalpy deńgeıin tekserýge múmkindik berdi. Qoıylǵan mindetterdi barlyǵy derlik oryndaldy. Kýrsanttar shtattyq oq atýdy «jaqsy» degen baǵaǵa tapsyrdy.
«Shtattyq oq atý barysynda kýrsanttar maqsatty barlaýǵa kirispe men oqqa qatysty mindetterdi sheshý boıynsha óz bilimderin kórsetti. Shtattyq atýdyń nátıjeleri kýrsanttardyń nysana jaǵdaıynyń ártúrli nusqalary boıynsha jumys isteýge beıimdelgenin kórsetedi. Sonymen qatar osyndaı atystardy ótkizý kýrsanttar úshin ózindik psıhologııalyq kemeldený emtıhany bolady», deıdi áskerı ınstıtýttyń atý daıyndyǵy kafedrasy bastyǵynyń orynbasary podpolkovnık Asqar Maılybaev.
Atý daıarlyǵy Qurlyq áskerleri Áskerı ınstıtýty kýrsanttarynyń jaýyngerlik daıarlyq pen dalalyq mashyqty jetildirýdegi negizgi pánderdiń biri bolyp tabylady. Ol áskerı qyzmetshilerdi kez kelgen qashyqtan jyldam qarqynmen oqty dál tıgizýge úıretedi. Joǵary atys sheberligi kýrsanttardyń kásibı daıarlyǵy men bólimshelerdiń jaýyngerlik úılesimdiligi kezinde jetildirile túsedi.
