Almaty qalasynda shyǵarmashyl jáne ǵylymı ıntellıgensııa ókilderiniń qatysýymen «Nur Otan» partııasynyń jańa Saıası doktrınasynyń jobasy talqyǵa salyndy. Oǵan «Nur Otan» HDP Tóraǵasynyń birinshi orynbasary Baýyrjan Baıbek qatysyp, jıylǵan zııaly qaýym ókilderiniń usynys-pikirlerine den qoıdy.
Almaty qalasynda shyǵarmashyl jáne ǵylymı ıntellıgensııa ókilderiniń qatysýymen «Nur Otan» partııasynyń jańa Saıası doktrınasynyń jobasy talqyǵa salyndy. Oǵan «Nur Otan» HDP Tóraǵasynyń birinshi orynbasary Baýyrjan Baıbek qatysyp, jıylǵan zııaly qaýym ókilderiniń usynys-pikirlerine den qoıdy.
Dostyq úıiniń májilis zalynda ótken alqaly jıynǵa partııa belsendilerimen qatar, Mádenıet jáne aqparat vıse-mınıstri Arman Qyryqbaev, Parlament Májilisiniń depýtaty, Qazaqstan Prezıdenti janyndaǵy Adam quqyqtary jónindegi komıssııanyń tóraǵasy, «Nur Otan» partııasy janyndaǵy Mádenıet pen ónerdi damytý máselelerine arnalǵan «Mıras» qoǵamdyq keńesiniń tóraǵasy Qýanysh Sultanov, Ulttyq ǵylym akademııasynyń tóraǵasy Murat Jurynov, «Astana Opera» memlekettik opera jáne balet teatrynyń dırektory Tólegen Muhamedjanov, Parlament Senatynyń depýtaty, Qazaqstan Jazýshylar odaǵynyń tóraǵasy Nurlan Orazalın, Qazaqstan Kompozıtorlar odaǵynyń tóraıymy Balnur Qydyrbek, jazýshy-dramatýrg, Qazaqstan Respýblıkasy Memlekettik syılyǵynyń laýreaty Ákim Tarazı jáne Almaty qalasynda ornalasqan joǵary oqý oryndarynyń, buqaralyq aqparat quraldarynyń basshylary qatysty.
Alqaly jıynnyń júrgizýshiligin qolyna alǵan Q.Sultanov partııanyń XV sezi qarsańynda elimizdiń árbir óńiri men aımaqtarynda atalǵan Doktrınany tanystyrý jáne talqylaý jumystarynyń júrgizilip jatqanyn, onyń syrtynda sezd aldyndaǵy daıyndyq meılinshe pysyqtalýda ekenin jetkizdi.
О́z kezeginde B.Baıbek partııa usynyp otyrǵan Doktrınanyń ustanǵan baǵyty men súıener qundylyqtaryna toqtala otyryp, «Partııanyń jańa Doktrınasy – ýaqyt talaby» dep atalatyn shaǵyn baıandama jasady. Onda B.Baıbek jyl basynan beri atqarylǵan isterdiń retimen tanystyryp, partııa janynan qurylǵan jumys tobynyń ázirlegen Doktrına jobasy jaıly, onyń qoǵamdaǵy róli men mańyzy týraly aıtyp ótti. B.Baıbektiń aıtýynsha, ótken aptada «Nur Otan» partııasynyń músheleri bolyp tabylatyn úkimettiń 15 múshesi, 80-nen asa depýtat el ishinde júrgizgen saıası Doktrınany tanystyrý jáne talqylaý jumystaryn qorytyndylaǵan.
Partııa Tóraǵasynyń birinshi orynbasary Saıası doktrınany talqylaý barysynda jer-jerlerde «Nur Otan» partııasynyń halyqty qabyldaý bólmeleri ashylyp, lek-lek bolyp jınalǵan halyqtyń qajettiligimen etene tanysqanyn, bul qujat el kókeıindegi máselelerdi meılinshe tolyq qamtıtyn joba retinde quptalyp otyrǵanyn tilge tıek etti. Munan ózge, B.Baıbek jýyrda Astana qalasynda ótken zııaly qaýym ókilderimen kezdesý barysynda Saıası doktrınaǵa engizilýi tıis birqatar tolyqtyrýlardyń retimen de tanystyryp ótti. Astana kezdesýinde Doktrına jobasynyń qazaq tilindegi nusqasy men ulttyq qundylyqtarǵa, otandyq óner men ádebıetke, til men dilge qatysty oryndy pikir-usynystardyń qaralǵanyn, sol sebepti bir top qazaq zııalylarynan turatyn («Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanov jetekshilik etetin) arnaıy jumys tobynyń qurylǵanyn aıta kelip, partııanyń usynyp otyrǵan Saıası doktrınasynda birlik pen kelisimnen keıingi orynda ekonomıka men saıasattan buryn tól mádenıet pen rýhanııat máselesi qozǵalyp otyrǵandyǵyn, sondyqtan da eldik másele qozǵalǵanda zııaly qaýym ókilderiniń róli erekshe ekendigin basa aıtty.
«Doktrına – memlekettiń qazynasy men ulttyq qundylyqtardyń saqtalýyna qyzmet etetin basty qujat jáne partııa músheleri men bılik tizginine ıe bolǵan saıası qaıratkerler ustanatyn negizgi qural. Partııanyń árbir múshesi Doktrınaǵa súıenip elge qyzmet etýi tıis», dep óz sózin qorytyndylady «Nur Otan» HDP Tóraǵasynyń birinshi orynbasary Baýyrjan Baıbek.
Qanat ESKENDIR,
«Egemen Qazaqstan».
ALMATY.
