Aımaqtar • 22 Mamyr, 2020

Qoǵamdyq kólikterde sanıtarlyq normalardyń saqtalýy shart

7 retkórsetildi

Sanıtarlyq normalardy saqtaý shartymen qazir Soltústik Qazaqstan oblysynda barlyq qoǵamdyq kólikter júre bastady. Alaıda normalardy saqtaý jıi buzylady. Sondyqtan bul talaptyń oryndalýyn tekserip turmasa bolmaıdy.

Jýyrda Petropavlda jolaýshylar kóliginiń sanıtarlyq jaǵdaıyn tekserý boıynsha reıd ótkizildi. Bul jumystarǵa Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandarymen birge tártip saqshylary da jumyldyryldy.

Reıd barysynda mamandar eskertý aıtýmen shekteldi. Reıdti uıymdastyrýshylar kólik salonynyń sanıtarlyq jaǵdaıyn, avtobýstardyń artyq adamdardy almaýyn, dezınfeksııa jasaýǵa arnalǵan suıyqtyqtar men zattardy qoldaný tártibin, júrgizýshilerde betperdelerdiń bolýyn jáne ony durys qoldana bilýin tekserdi. «Reıdtiń alǵashqy saǵatynda 11 qoǵamdyq kólik tekserildi. Júrgizýshilerdiń betperde kııýine, avtobýstardyń salonynda antıseptıkterdiń bolýyna nazar aýdaryldy. Júrgizýshilerge sońǵy aıaldamada avtobýs salonyn zalalsyzdandyratyn suıyqtyqtarmen tazartý qajettigi eskertildi», - deıdi Petropavl qalasy. PB patrýldik polısııa batalony komandıriniń mindetin atqarýshy, polısııa podpolkovnıgi Qanat Álimjanov.

Sanıtarlyq normalardy saqtaýdaǵy kemshilikter úshin eshkim jaýapkershilikke tartylǵan joq. Ázirshe jolaýshylardy tasymaldaýmen aınalysatyn júrgizýshiler men olardyń basshylary, laýazymdy tulǵalar úshin túsindirme jumystary júrgizilýde.

Jyl basynan beri Soltústik Qazaqstan oblysynyń joldarynda avtobýs júrgizýshileriniń tarapynan karantındik shekteýlerden basqa jol qozǵalysy erejeleriniń 455 buzýshylyǵy anyqtalǵan. Olar negizinen – kólik júrgizý kezinde telefon paıdalaný men manevr jasaý erejeleriniń buzýshylyqtary.

 

Soltústik Qazaqstan oblysy

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar