Koronavırýs • 22 Mamyr, 2020

Aqmola oblysynda 3 jasar qyz bala koronavırýs juqtyrdy

25 retkórsetildi

Memlekettik komıssııanyń shuǵyl shtaby Aqmola oblysynda ótken táýlikte 7 adam koronavırýs juqtyrǵanyn habarlady.

О́tken táýlikte tirkelgen 7 adamnyń 4-eýi buǵan deıin Nur-Sultan qalasynan anyqtalǵan adammen jaqyn baılanysta bolǵan. Selınograd aýdanynyń Qosshy aýylynda COVID-19 úı oshaǵynda 1969 jáne 1995 jylǵy áıel adamdardan, 1995 jylǵy er adamnan jáne 2017 jyly týǵan qyz baladan tabyldy. Taǵy eki jaǵdaı atalǵan eldi mekenniń ákimshilik aýmaǵymen baılanysty. Qaýiptilik tobynan 1953 jylǵy zeınetkerden koronavırýs anyqtaldy. Sondaı-aq respıratorlyq aýrýy bar 1998 jylǵy er azamatty skrınıngtik tekserý barysynda koronavırýs anyqtaldy.

Buǵan qosa, skrınıngtik tekserý kezinde COVID-19 Arshaly aýdanynda 1998 jylǵy júkti áıeldiń aǵzasynan tabyldy.

Barlyǵy Kókshetaý qalasyndaǵy Aqmola oblystyq týberkýlezge qarsy dıspanserine jatqyzyldy. Aýrý oshaqtarynda zararsyzdandyrý jumystary júrgizilip jatyr. Sanıtarlyq-epıdemıologııalyq tergeý jumystary qolǵa alynǵan.

О́tken táýliktegi jaǵdaı boıynsha oblysta koronavırýs ınfeksııasyn juqtyrǵan 142 adam tirkelgen. Olardyń 126-sy Selınograd aýdanynda, onyń ishinde 40 adam Qosshy eldi mekeninde tirkelgen. Qalǵan naýqastar Kókshetaý qalasynda jáne Aqkól, Arshaly, Egindikól, Shortandy aýdandarynda anyqtalǵan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar