Qazaqstan • 22 Mamyr, 2020

Elbasy kitaphanasyndaǵy jádigerlerdi qashyqtan tamashalaýǵa bolady

16 retkórsetildi

Elbasy kitaphanasy karantın tártibine sáıkes kelýshilerin qabyldaı almasa da jumystyń jańa úlgisi men jurtshylyqpen baılanystyń jańa túrlerin engizýde. Osy tusta http://presidentlibrary.kz/kk resmı saıtynda vırtýaldy kórmeler, onlaın-baıqaýlar jarııalandy. Aldaǵy ýaqytta ǵylymı onlaın-konferensııalar men beınekórmeler ótkizý josparlanǵan.

Nazarbaev ortalyǵy men Qazaqstan Respýblıkasynyń Tuńǵysh Prezıdenti mýzeıi ǵımaratynyń ekspozısııa zaldaryna sholý jasaıtyn beınetýrlar – Elbasy kitaphanasynyń arnaıy jobasy. Kórermender Kitaphana ǵımarattary sáýletimen, zaldar ahýalymen, biregeı mýzeı, kitaphana jáne arhıvtik jınaqtarmen qashyqtan tanysýǵa múmkindik alady. Barlyq ekskýrsııalar Elbasy kitaphanasy saıtyndaǵy «Beınegalereıa» bóliminde qazaq, orys, aǵylshyn tilderinde jarııalanǵan.

Beınetýrdy júrgizgen Elbasy kitaphanasynyń ekýskýrsııa qyzmetkerleri ǵımarattyń tarıhyna toqtalyp, onyń tórinen oryn alǵan ekspozısııalar men kórmelerge qatysty derekterdi keltiredi.

Elbasy kitaphanasy boıynsha beınetýr

Qazaqstan Respýblıkasynyń Tuńǵysh Prezıdenti – Elbasy kitaphanasynyń ǵımaraty álemde tanymal brıtan sáýletshisi Norman Fosterdiń jobasymen salynǵan. Syrt kelbeti aspanǵa zer salǵan kózdiń qarashyǵyn beıneleıtin ǵımarat zaamanaýı Qazaqstannyń ómirsheń qýatyn bildiredi. Ǵımarattyń ekinshi, úshinshi qabatynda Elbasy kitaphanasynyń mýzeı, arhıv jınaqtarynan jasaqtalǵan ekspozısııalar ornalasqan. Elbasy jeke arhıviniń qujattary men fotomaterıaldary táýelsiz Qazaqstannyń qalyptasý úderisin, prezıdenttik ınstıtýttyń qurylýyn, jańa memleket pen onyń astanasynyń memlekettik qurylysyn beıneleıdi.

Elbasy kitaphanasynyń mýzeıi boıynsha beınetýr

Beıneekskýrsııa kórermenderdi Tuńǵysh Prezıdenttiń alǵashqy rezıdensııasy, keıin Elbasy kitaphanasynyń mýzeıine aınalǵan tarıhı keshenmen tanystyrady. Nursultan Nazarbaev 1997-2004 jyldary osy ǵımaratta jumys istegen. Elbasynyń jumys kabıneti bastapqy keıpinde saqtalǵan. Basqa zaldarda Qazaqstannyń jańa tarıhynyń negizgi kezeńderin beıneleıtin ekspozısııalar usynylǵan. Elbasy mýzeıiniń jınaǵy 11 myńnan astam saqtaý birligin quraıdy.

Qazaqstan Respýblıkasyndaǵy prezıdenttik ınstıtýttyń 30 jyldyǵyna arnalǵan beınetýr

30 jyl buryn, Qazaqstanda alǵash ret Prezıdent qyzmeti bekitildi. 1990 jylǵy 24 sáýirde Nursultan Ábishuly Nazarbaev Qazaq Keńestik Sosıalıstik Respýblıkasy Joǵarǵy Keńesiniń sessııasynda Qazaq KSR Prezıdenti bolyp saılandy. Bul kezeń elimizdiń tarıhynda túbegeıli ózgeristerdiń bastaý alýymen tuspa-tus keldi. Beıneekskýrsııada Qazaqstandaǵy prezıdenttik ınstıtýttyń qalyptasý tarıhynyń negizgi oqıǵalarynan syr shertetin foto, beıne qujattar men mýzeı jádigerleri usynylǵan.

Batyrlar ınstıtýty: dástúr, mártebe jáne qarý-jaraq tarıhy

«Qazaqstan Respýblıkasynyń Tuńǵysh Prezıdenti – Elbasynyń qarý-jaraq toptamasy» Tuńǵysh Prezıdent rezıdensııasy kezinde Qazaqstan Respýblıkasy Qaýipsizdik keńesiniń zaly bolǵan bólmede ornalasqan. Munda saqtalǵan árbir jádiger – shetel memleket jáne úkimet basshylarynyń, qoǵamdastyq ókilderiniń Elbasyǵa tabys etken tartýy. Qarý-jaraq toptamasynda álemniń kóptegen elderiniń zamanaýı eń úzdik qarý-jaraq óneri sheberleriniń baǵa jetpes týyndylarynan quralǵan.

«Beıne men pishin úndestigi» toptamasy

Halyqaralyq mýzeı kúnine oraı Elbasy kitaphanasynyń resmı saıtynda «Beıne men pishin úndestigi» kórmesiniń beınetýry usynylǵan. Atalǵan toptamaǵa Qazaqstan halqyna, Elbasyna ózara syılastyq pen dostyqtyń nyshany retinde álemniń túrli elderiniń lıderleri, halyqaralyq uıymdar men kompanııalar jetekshileri tartý etken dıplomatııalyq syılyqtar jınaǵy endi.  Ekspozısııada farfor, shyny, keramıka, metall, tas, aǵash sııaqty materıaldardan jasalǵan jádigerler men álemge belgili manýfaktýralar men fabrıkalardyń ónimderi usynylǵan.

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

«Qazarhıv» basqarmasy qajet

Rýhanııat • Búgin, 07:41

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Jarys sátsiz bastaldy

Tennıs • Búgin, 06:40

Uqsas jańalyqtar