«Shyǵys» óńirlik qolbasshylyǵyna qarasty áskerı bólimderdiń merzimdi qyzmettegi sarbazdary zapasqa shyǵaryldy. 2019 jyldyń kókteminde áskerge shaqyrylǵan 1000-nan astam sarbaz Otan aldyndaǵy boryshyn atqaryp, úılerine qaıtty.
«Áskerı qyzmet maǵan kóp nárseni úıretti. Bizge basshylyq etken komandırlerimiz áskerı ómirdiń qyr-syryn úırete bildi. Dalalyq oqý-jattyǵýǵa qatysý, kúndizgi jáne túngi ýaqytta qarýdan atý jattyǵýlaryn oryndaý men úshin esten ketpes erekshe sátter» deıdi qatardaǵy jaýynger Isataı Sanat.
Sarbazdardy shyǵaryp salý rásimi elimizde engizilgen tótenshe jaǵdaılar talaptaryn saqtaı otyryp uıymdastyryldy.
Bir jyl kóleminde sarbazdar jaýyngerlik daıyndyqta shyńdalyp, áskerı mamandyqtary boıynsha jaqsy nátıjelerge qol jetkizdi. Jaýyngerlik daıyndyq sabaqtaryn praktıkalyq túrde ıgerip, oqý-jattyǵýlarda sheberlikterin kórsete aldy.
Qyzmettik mindetterin adal oryndap, jaýyngerlik daıyndyqta úzdik nátıje kórsetken jáne úlgili tártibimen erekshelengen sarbazdarǵa Alǵys hattar men estelik syılyqtar tabystaldy.
SEMEI
