Tehnologııa • 22 Mamyr, 2020

Facebook qyzmetkerleriniń teń jartysy úıden jumys isteýi múmkin

76 retkórsetildi

Aldaǵy 5-10 jylda kompanııa qyzmetkerleriniń 50%-y qashyqtan jumys isteıdi. Bul týraly Mark Sýkerberg Facebook paraqshasynda habarlady.

Alǵashqy kezeńde kompanııa qashyqtan jumysqa qyzmetkerlerdi Facebook keńsesi joq AQSh qalalarynan qabyldaıdy. Jumysqa jańadan kirgen qyzmetkerlerge komanda basshysynyń ruqsatymen úıden jumys isteý usynylady. Qazirgi tańda Facebook-tiń jumys istep júrgen qyzmetkerleri pandemııa aıaqtalǵannan keıin qashyqtan jumys formatyna kóshe alady. Biraq ol jumys sapasynyń kórsetkishterine baılanysty bolmaq.

Aldymen kompanııa únemi úıden jumys isteýge ruqsat beredi. Eger olar kóshkisi kelse, onda ol týraly 2021 jyldyń 1 qańtaryna deıin habarlaýy tıis.

«Jańa turǵylyqty jerine baılanysty qyzmetkerlerdiń jalaqysy men ótemaqylary ózgerýi múmkin — bul salyq jáne esep úshin qajet», dep túsindirdi Facebook basshysy.

Kompanııa basshysy qyzmetkerler kóshý týraly sheshimderin jasyrǵan jaǵdaıda sońy jaqsylyqqa aparmaıtynyn eskertti.

Sondaı-aq kompanııa qashyqtan jumys isteıtin jańa qyzmetkerlerdiń qataryn kóbeıtýdi josparlap otyr. Mundaı jumys oryndaryn qurý týǵan qalasynan jumys úshin kóshkisi kelmeıtin talanttardy tartýǵa múmkindik bermek.

Qazir Facebook qyzmetkerleriniń 95%-y qashyqtan jumys isteıdi. Kompanııada júrgizilgen saýalnama boıynsha, 50% qyzmetker  «úıinde de jumystaǵydaı belsendi jumys isteıtinin» aıtqan. Saýalnamaǵa qatysqandardyń 75%-y qashyqtan jumys formatyna aýyssa, turǵylyqty jerin aýystyrýǵa daıyn ekenin aıtty. Statıstıka derekteri boıynsha 2019 jyly Facebook-te 44,9 myń adam jumys istedi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar