Aımaqtar • 22 Mamyr, 2020

«Jumyspen qamtý jol kartasy» baǵdarlamasyna qalaı qatysady?

13 retkórsetildi

Búgin qalalyq shtab volonterleri birqatar iri saýda ortalyqtary men halyq kóp jınalatyn oryndarda boldy. Basty maqsat – azamattarǵa «Jumyspen qamtý jol kartasy – 2020-2021» baǵdarlamasynyń artyqshylyqtaryn túsindirý dep habarlaıdy Nur-Sultan qalasy ákimdiginiń resmı saıty.

«Búgin biz kóptegen adamdarmen kezdesip, olarmen sóılesýge múmkindik aldyq. Shynynda da, kóptegen jumyssyz jandar jumys tabýǵa múmkindik beretin, laıyqty jalaqy alatyn baǵdarlamanyń baryn bilmeıdi. Biz kómekke júgingenderdiń barlyǵyna qol ushyn sozýǵa daıynbyz. Bul bir rettik aksııa emes, mundaı úgit-nasıhat turaqty túrde júzege asady», - deıdi erikti Baqtııar Esentaev.

Aıta ketsek, elordada «Jumyspen qamtý jol kartasy - 2020-2021» baǵdarlamasy aıasynda 15 myńnan astam adamdy jumyspen qamtý josparlanǵan. Qazirgi ýaqytta qalalyq jumyspen qamtý ortalyǵy mynadaı algorıtm boıynsha jumys isteıdi: ortalyq qajetti bilikti mamandardy iriktep, olardy jumys berýshilermen áńgimelesýge jiberedi.

Búginde jol kartasy boıynsha jalaqy 85 myńnan joǵary. Jumyspen qamtý jol kartasy aıasynda 1,5 myńǵa jýyq adam jumysqa ornalasty. Áleýmettik sala, turǵyn úı-kommýnaldyq sharýashylyq, ınjenerlik jáne kólik ınfraqurylymy, sondaı-aq eldi-mekenderdi abattandyrý maqsatynda ınfraqurylymdyq jobalardy iske asyrý josparlanǵan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar