Birinshi bólimde 20 ǵasyrdyń jıyrmasynshy jyldaryndaǵy ýezdik revolıýsııalyq komıtetter qorlarynyń, atqarýshy Keńes jumysshylarynyń, sharýalary men depýtattarynyń, kýágerlerdiń saıası repressııa jónindegi qujattary engizilgen. Sondaı-aq, dinı qyzmetkerler men meshitterge qatysty júrgizilgen saıası repressııalyq sharalar jaıynda sóz etilgen arhıv qujattary da basylǵan.
– Jınaqtyń ekinshi bóliminde, ulttyq belgige qaraı repressııaǵa ushyraǵandar jaıly jazylǵan. Olardyń qatarynda polıaktar, nemister, qarashaılar, bolgarlar, sheshender, ıngýshtar men qyrymdyq tatarlar bar. Bulardyń barlyǵy Otanyn satqan dep eseptelip, jer aýdarylǵan. Úshinshi bólimde «Stalındik repressııa» jaıynda arhıv qujattary engizildi. Iаǵnı, 30-50 jyldardaǵy stalınızmdik saıası qurbandar jaıynda sóz etilgen. Al, tórtinshi bólimde, qýǵyn-súrginge ushyraǵandardan qalǵan estelikter, jeke hattar, kúndelikter men fotosýretter engizilgen,–deıdi oblystyq memlekettik arhıvtiń bólim jetekshisi Nazıra Isenova.
20-shy ǵasyrdyń qasiretti oqıǵasyn rastaıtyn jınaqtaǵy bul qundy qujattar búginde óńir tarıhshylary men zertteýshileri úshin qoljetimdi. Sondaı-aq, jańa kitap tarıhta izi qalǵan «aqtańdaqtar» jaıly bilgisi keletin qalyń oqyrmanǵa da arnalady.
