Aımaqtar • 22 Mamyr, 2020

Túlekterdiń UBT-da baǵyn synaýǵa birneshe múmkindigi bar

20 retkórsetildi

Shymkent qalasy Bilim basqarmasynyń basshysy Janat Tájıevanyń qatysýymen ótken baspasóz brıfıngte ulttyq biryńǵaı testileý jaıly jan-jaqty málimet berildi.

Basqarma basshysynyń sózine súıensek, qalamyzdaǵy 8 885 bitirýshiniń 6 799-y UBT-ǵa qatysý úshin ótinish tapsyrǵan. Al ótinish berý onlaın rejıminde júrgizilgen.

Bıyl qalamyzda ulttyq biryńǵaı test 20 maýsym men 5 shilde aralyǵynda ótedi. Talapkerler testini 4 JOO-nyń ǵımaratynda, ıaǵnı M.Áýezov atyndaǵy OQMÝ (2 084 oqýshy), OQMPI (2 293 oqýshy), SILKWAY ýnıversıteti (1 446 oqýshy) jáne Shymkent ýnıversıtetindegi (976 oqýshy) pýnktterinde tapsyrady. Olardyń 5559-y qazaq tilinde, 1211-i orys tilinde jáne 29-y aǵylshyn tilinde óz baqtaryn synaıdy.

О́z kezeginde basqarma basshysy testileý kezinde sanıtarlyq norma men tártip qatty saqtalatynyn aıta kele, «Árbir ata-ana balasyn tek adaldyqqa baýlyp, oqýshy óz bilimin paıdalanýǵa múmkindik berýin ana ári ustaz retinde suranamyn», – dedi. Odan bólek, Janat Arysbekqyzy keı sátteri bilimdi oqýshy túrli jaǵdaıǵa baılanysty az ball jınap qalatynyn alǵa tartyp, mundaı kezde talapker jigerin qum etpeýin tilge tıek etti. О́ıtkeni bul synaqty tamyz aıynda tapsyrýǵa, eger odan da óte almaı qalǵan jaǵdaıda arnaıy konkýrstarda oqyp, qańtar aıynda baǵyn synap kórýge bolatynyn aıtty.

Osy rette qalanyń bas pedagogi karantınge baılanysty jabylǵan balabaqshalar jaıyn sóz etti. Eger olardyń ashylýyna jergilikti bas sanıtarlyq dáriger ruqsat berse, arnaıy algorıtm boıynsha jumys júrgizýge daıyn ekendikterin jetkizdi. Oǵan qosa aldaǵy oqý jylynda pedogogtar men basshylardyń biliktigin tekserý barysy jáne osyǵan oraı jalaqylarynyń kóterilýi jaıynda sóz qozǵady. О́z kezeginde kelesi jyly jańadan ashylatyn mektepterdi aıtyp, qurylys barysyn da nazardan tys qaldyrmady.

Brıfıng sońynda BAQ ókilderiniń suraqtaryna tııanaqty jaýap berildi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar