Oblystyń 66 bilim oshaǵynda sport zal joq. Qazirgi tańda 1127 dene shynyqtyrý pániniń muǵalimi bar. Mektep sport zaldary qalaı jabdyqtalǵan jáne aýdandarda fıtnes-ortalyqtarynyń qurylysy qalaı júzege asýda? Kókshetaý qalasynda 25 mektep bar. 37 tıptik sport zal, olardyń 32-i oblys ortalyǵynda bolsa 5-i qala mańyndaǵy mektepterde. Máselen, oblys ortalyǵyndaǵy gýmanıtarlyq-tehnıkalyq lıseıinde sport zal múldem joq. Jas órender qysta shańǵy tebý men ústel oıyndaryna, ózge ýaqytta jeńil atletıkamen ǵana aınalysa alady. Sarapshylardyń aıtýynsha, sportqa qyzyqqandardyń sany ósken saıyn, jergilikti jattyǵý alańdaryna suranys joǵary.
Aımaqta sport zaldardyń tapshylyǵynan Bulandy aýdanyndaǵy Altyndy orta mektebinde jańa sport zalynyń qurylysy bastaldy. Al, eski ǵımarat apatty jaǵdaıda. Selınograd aýdanynda úlken sport zaldary bar 4 jańa mektep salý josparlanýda. Iаǵnı, Qosshy men Qoıandyda – 1200 oryndyq jáne Maksımovka men Qajymuqan orta mektepterinde 300 orynǵa shaqtalǵan eki mektep salý kózdelgen.
– Oblys boıynsha Arshaly aýdanyndaǵy Ijevsk orta mektebine qarjy bólinip, jóndeý jumystary júrgizilýde. Bulandy aýdanynda Makınsk qalasyndaǵy №3 orta mekteptiń sport zaly aıaqtaldy,–deıdi oblystyq bilim basqarmasy janyndaǵy oqý-ádistemelik ortalyǵynyń dırektory Aman Ermuhanov.
Arshaly aýdanynda da dene shynyqtyrý-saýyqtyrý kesheniniń qurylysy jańa bastaldy. Ázirge osyndaı qadaý-qadaý jumystar júrgizilgenimen, bul máseleniń qıyn túıinin sheshý keler kúnderdiń enshisinde qalyp otyr.
