Bilim • 22 Mamyr, 2020

«Bolashaq» stıpendııasy endi tek suranystaǵy mamandyqtarǵa taǵaıyndalady

69 retkórsetildi

Bul týraly Bilim jáne ǵylym mnıstriniń orynbasary Mıras Dáýlenov habarlady. Biz buǵan deıin «Bolashaq» baǵdarlamasy boıynsha stıpendııa taǵaıyndaý úshin úmitkerlerdi irikteýdiń jańa qaǵıdalary qabyldanatynyn jazǵanbyz. Endi osy jańa qaǵıdaǵa saı naryqtaǵy suranysqa ıe mamandyqtarǵa ǵana stıpendııa taǵaıyndalmaq. 

Basym mamandyqtar tizbesi, endi eńbek naryǵyndaǵy qajettilikter boljamyn eskere otyryp qalyptastyrylady. Bul mamandardy naqty daıarlaýǵa múmkindik beredi.
Mınıstrliktiń málimdeýinshe, jyl saıyn 500-ge jýyq adam «Bolashaq» baǵdarlamasy boıynsha oqýǵa attanady. Sońǵy úsh jyldaǵy taldaý stıpendıattardyń basym kópshiliginiń áleýmettik ǵylymdarǵa, ekonomıkaǵa, basqarýǵa (42%), sondaı-aq gýmanıtarlyq ǵylymdarǵa (23%) túskenin kórsetip otyr. Medısınalyq (3%) jáne jaratylystaný (4%) mamandyqtaryna den qoıýshylar qatary mardymsyz.
Bul jaǵdaı mamandyqtar tizbesiniń jalpylama jasalýymen tikeleı baılanysty. Iаǵnı, tizbede qajetti mamandyqtardyń sany jetkilikti bolǵanymen, alaıda, olardyń ishinde baǵyttar boıynsha sany reglamenttelmegen. Nátıjesinde úmitkerler elimizdegi kadrlar sany boıynsha artyǵynan baıqalǵan mamandyqtarǵa baǵdarlama arqyly túsken.
«Al endi, mamandardy daıyndaý baǵyttary boıynsha oryndardyń shekti sanyn anyqtaý kóp stıpendıattarǵa ınjenerlik-tehnıkalyq, IT jáne medısınalyq mamandyqtarda oqýǵa múmkindik beredi. Osy rette, áleýmettik jáne gýmanıtarlyq ǵylymdarǵa stıpendııa sany shekteýli bolady, bul oqýǵa túsýshiler arasynda úlken básekelestik týdyrady jáne oryndardy negizinen áleýmettik-gýmanıtarlyq baǵyttardyń ókilderi ıelenetin tájirıbeni alyp tastaıdy.
Bul memlekettik tapsyrysty joǵary oqý oryndaryna ornalastyrý kezindegi sııaqty, 150 bilim berý baǵdarlamalaryna 53 myń grantty ornalastyryp qana qoımaımyz, eger olaı jasasaq granttardyń negizgi sany zań, ekonomıkalyq mamandyqtarǵa bólingen bolar edi. Biz kerisinshe baǵyttar boıynsha naqty qajettilikterge sáıkes anyqtaımyz. Sol sebepti de quqyq mamandyǵyna barlyǵy 100 grant bólinedi. Bul jerde de sol prınsıp», dedi M.Dáýlenov.
Sońǵy jańalyqtar

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar