Bilim • 22 Mamyr, 2020

Bolashaqtyqtar halyqaralyq reıtıngter úzdigindegi sheteldik JOO-ǵa ǵana jiberiledi

170 ret

kórsetildi

1 mın

oqý úshin

Bul týraly Bilim jáne ǵylym mnıstriniń orynbasary Mıras Dáýlenov habarlady. Biz buǵan deıin «Bolashaq» baǵdarlamasy boıynsha stıpendııa taǵaıyndaý úshin úmitkerlerdi irikteýdiń jańa qaǵıdalary qabyldanatynyn jazǵanbyz. Osy jańa qaǵıdaǵa saı stıpendıanttar endi halyqaralyq reıtıngte top bastap turǵan JOO-ǵa ǵana jiberilmek.

Aıdana ShOTBAIQYZY

Bolashaqtyqtar halyqaralyq reıtıngter úzdigindegi sheteldik JOO-ǵa ǵana jiberiledi

«JOO-nyń ózine de talaptar kúsheıtiledi. Endi Bolashaq tizimine kirý úshin JOO-lar U.S. News Best Global University Ranking eldik reıtıngterine sáıkes keminde 65 ballǵa (Global Score) ıe bolýy jáne EYDU-nyń top-50 jáne ARWU, THE, QS, US News reıtıngteriniń top-50 qatarynda bolýy tıis. Nátıjesinde, 2020 jyly tizimge 121 JOO endi, al 2019 jyly olardyń sany 537 bolǵan edi. Sonymen qatar, 2019 jyly tek 100 JOO (20%) halyqaralyq reıtıngterte ornalasqan edi.

Endi bolashaqtyqtar halyqaralyq reıtıngter úzdigindegi sheteldik joǵary oqý oryndaryna ǵana jiberiledi, bul olarǵa zamanaýı zerthanalyq bazaǵa qol jetkizýge jáne myqty oqytýshylardan bilim alýǵa múmkindik beredi», dedi M.Dáýlenov.