Aımaqtar • 22 Mamyr, 2020

Birinshi synyp oqýshylary Egov.kz portaly arqyly qabyldanady

387 retkórsetildi

Nur-Sultanda qujat qabyldaý 1 maýsymnan bastalady dep habarlaıdy elorda ákimdiginiń resmı saıty.

Balalardy birinshi synypqa qabyldaý Egov.kz elektrondy úkimet portaly arqyly júzege asyrylady. Mektepten mektepke, synyptan synypqa aýysýdyń avtomattandyrylǵan memlekettik qyzmeti ázirlendi, dep habarlady búgin brıfıngte Nur-Sultan qalalyq bilim basqarmasynyń basshysy Sholpan Qadyrova.

Ata-analarǵa portaldyń «Bilim» bólimine kirip, «Orta bilim», mektepke kirip, qajetti qujattardy qosa joldaı otyryp ótinish berý jetkilikti. Qujat tapsyrý úshin kútýdiń eń uzaq ýaqyty – 15 mınýt. Memlekettik qyzmetti usyný nysany – elektrondy. Ata-ananyń «jeke kabınetine» balany qabyldaý týraly habarlama nemese sebepteri kórsetilgen dáleldi bas tartý keledi. Ol úshin nebári tórt-aq qujat kerek: balanyń ata-analarynan nemese zańdy ókilderinen ótinish (erkin nysanda), balanyń týý týraly kýáliginiń kóshirmesi, 026/ý-3 «Balanyń densaýlyq pasporty» nysany boıynsha densaýlyq jaǵdaıy týraly qujat, 063/ý nysany boıynsha densaýlyq jaǵdaıy týraly qujat, sondaı-aq 3h4 kólemindegi eki fotosýret. Mekteptiń qabyldaý komıssııasynyń eshqandaı qosymsha qujattardy suratýǵa quqyǵy joq ekenine taǵy da nazar aýdarǵym keledi», – dedi Sh.Qadyrova.

Erekshe bilim berý qajettiligi bar balalardy bilim berý uıymdaryna oqýǵa qabyldaý úshin portalǵa qosymsha pedagogıkalyq-medısınalyq-psıhologııalyq komıssııanyń qorytyndysy elektrondy túrde (skannusqa, foto) zańdy ókilderdiń kelisimimen usynylady. Qujattardy qabyldaý 1 maýsymnan bastalady. Jańa oqý jylyna daıyndyq maqsatynda 17 tamyzdan bastap mektepterde ata-analardyń qalaýy boıynsha aqysyz negizde jazǵy mektep jumysyn ótkizý josparlanýda.

Sonymen qatar bıyl arnaıy bilim berý uıymdaryna qabyldaý emtıhandary 2020 jyldyń 18 maýsymynan bastap ótkiziletin bolady.

Qujattardy qabyldaý 15 mamyrdan 17 maýsymǵa deıin elektrondy formatta júzege asyrylady.

«Biz basqarmanyń resmı saıty men áleýmettik jelilerde kez kelgen ózgerister týraly qosymsha habarlaıtyn bolamyz», – dedi Sh. Qadyrova. Sonymen qatar ol tehnıkalyq jáne kásiptik bilim berý uıymdaryna qabyldaý týraly aıtty.

Bıyl kolledjderge qujat qabyldaý avtomattandyrylǵan jáne «elektrondy úkimet» veb-portaly arqyly júzege asyrylady. www.egov.kz portalynda talapkerler, ata-analar nemese zańdy ókilderi bilimi týraly qujattyń elektrondy kóshirmesin jáne fotosýretterin qosa bere otyryp, elektrondy nysanda ótinish bere alady. Qajetti medısınalyq anyqtamalar eldi mekenderdi qospaǵanda, Densaýlyq saqtaý mınıstrliginiń aqparattyq júıesinen alynatyn bolady.

Sondaı-aq qujattardy portal arqyly tapsyrý kezinde talapkerdiń jataqhanada oryn alý jáne tegin tamaqtaný múmkindigi bar. Sebebi talapkerdiń JSN boıynsha áleýmettik mártebesi anyqtalady. Qabyldaý komıssııalary qujattardy qaraý qorytyndysy boıynsha talapkerlerge qujattardy qabyldaý, konkýrs jáne arnaıy emtıhan ótkizý kúni týraly habarlama jiberedi.

Osy jyly attestattaýdyń jańa formaty boıynsha mektepke deıingi, qosymsha bilim berý pedagogtary men tehnıkalyq jáne kásiptik uıymdardyń pedagogtary alǵash ret testileýden ótedi. Testileýden ótý úshin pedagog elektrondy tirkeýden ótedi jáne ótý kúni men ýaqytyn derbes tańdaıdy.

Testileýden sátti ótkennen keıin qyzmettiń qorytyndylaryn keshendi taldamaly jınaqtaý júrgiziledi. Sarapshylar toby e-portfolıo baǵdarlamasy boıynsha qashyqtan pedagogtiń attestattaý kezeńindegi jumysynyń qorytyndysyna baǵa bere alady.

«Oqý jylynyń basynda attestattaý komıssııasynyń oń qorytyndysy bolǵan jaǵdaıda pedagog eńbekaqyǵa 30-50% ústemaqy alady», – dep atap ótti Sh. Qadyrova.

Testileýge ótinish berý shamamen 23 mamyrdan bastalady.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Ǵasyr zulmaty

Qoǵam • Búgin, 06:55

Oqý ortalyqtary ońdy ma?

Bilim • Búgin, 06:45

Uqsas jańalyqtar